Andi Liverpool

Það eru karlmannlegir straumar sem koma frá Anfield. Þar ber aldrei á minnimáttarkennd gagnvart öðrum liðum. Sérstaklega ekki ganvart United.

Af öllum tækifærum sem Liverpool-menn geta nýtt til að nýða skó Alex Ferguson eða Gary Neville, þá nýta þeir tækifærið þegar þeir eru að heiðra minningu þess þegar þeir svo eftirminnilega unnu Meistaradeildina. 

Þetta er eins sorglegt og aumkunarvert eins og það getur orðið, en samt ekki óvænt úr þessari átt.

Hatur Liverpool-manna á United er þeirra eigin Akkilesarhæll. Svoleiðis var það, er og verður.

Á meðan vinna þeir aldrei neitt. 

Ferguson sýndur sem fyllibytta í Liverpool-mynd

Hneyksli

Þetta blogg er tileinkað enska boltanum en hér verð ég að leggja orð í belg.

Það sem Henry gerði hér, var að senda Frakkland áfram í keppninni á fölskum forsendum. Þetta er eins og að skreppa í bikaraverslun og kaupa sér bikar, láta grafa í hann "leikmaður mótsins" og ljúga að öllum að þú hafir eitt sinn verið stjarna í fótbolta.

Frakkar ættu að skammast sín fyrir þetta atvik og fordæma Henry. Þessi annars siðprúði piltur er þjóð sinni til skammar og hefur í raun ómerkt allan árangur sem Frakkar kunna að ná í heimsmeistarakeppninni sem nálgast óðum.

Platini forseti UEFA sem er samlandi Henry hefur einmitt verið tíðrætt um heiðarleika og siðferði í knattspyrnu. Það verður gaman að heyra hans álit á aðferð Frakka í að komast á stórmót. Með því að svindla, og svindla viljandi.

 

 

Henry: Ég notaði höndina viljandi

Endurtekið efni

Á sama tíma í fyrra var sama staðan uppi: Chelsea með 5 stiga forskot á mína menn.

United vann titilinn með 7 stigum meira en Chelsea.Leikurinn í fyrradag endurspeglar ekki niðurstöðuna en það er bara svo oft þannig. Chelsea eiga að einhverju leiti hrós skilið fyrir að spila illa en vinna samt. Það er það sem aðgreinir meistaralið frá öðrum liðum og eitthvað sem United gerði oft síðastliðin tímabil.Ég vil ekki ganga svo langt og segja að Atkinson hafi verið 12 maður Chelsea eins og Rooney heldur fram, en hann náði að klúðra lykil augnablikum í leiknum sem kostaði eitt mark (Chelsea) og rændi líklega öðru (United). Aukaspyrnudómurinn sem Fletcher fékk á sig sem leiddi til marksins var umdeildur,en það var ekki það sem kostaði markið. Það var sú staðreynd að Drogba var rangstæður og hafði áhrif á leikinn. Wes Brown segir líka að Drogba hafi togað sig niður en erfitt er að greina hversu mikil snertingin var. Markið var vafasamt.Sú ákvörðun að dæma Rooney rangstæðan var röng. Cole hafði spilað Rooney réttstæðan og Rooney hafði heilu hektarana til að spila úr einn á Cech. Ekki er gott að segja hvort Rooney hefði nýtt færið, en það verður þó að teljast líklegt.En leikurinn er tapaður og við það verður að una.Ancelotti lét hafa eftir sér að hann væri gríðarlega sáttur við sigur sinna manna. Hann má vera það því hann hélt því jafnframt fram að „lítið svæði hefði verið til athafna á miðju fyrir bæði lið“. Ekkert er fjær sannleikanum því það var eitt lið á miðjunni sem stjórnaði leiknum. United. Fyrir leikinn þá kepptust breskir blaðamenn um að mæra hina rómuðu miðju Chelsea með Essien, Lampard, Ballack og Deco og hvernig miðja United yrði tætt í sundur. Menn þreyttust heldur ekki á að setja upp í huga og á prenti hvernig Drogba og Anelka myndu niðurlægja vörn United á þúsund mismunandi vegu.Það sem gerðist var ekkert þessu líkt. Fletcher og Anderson voru með Ballack og Deco í beisli allan leikinn og Lampard fékk ekkert svæði, átti eitt augnablik sem var fyrirgjöfin eftir aukaspyrnu Atkinson. Tígulmiðja Chelsea var lesinn eins og bók. Tígulmiðja skilur nefnilega eftir sig stórt gat á miðjum vellinum. Þetta gat var nóg fyrir Anderson og Fletcher til að senda boltan af mikilli snilld sem og fyrir Carrick að munda skotfótinn fyrir utan teyg og láta vaða.Okkur sárlega vantaði bara fleiri slúttara við þessar aðstæður, líklega hefði Berbatov gert gæfu muninn.Vörn beggja liða var afar þétt, en miðað við dómana sem Brown og Evans fengu fyrir leik hefði niðurstaðan átt að vera önnur. Drogba gat ekkert hreyft sig og besti maður Chlesea í þessum leik fékk bara tíma til að athafna sig hægrameginn fyrir utan teyg.Munurinn í deildinni er tapleikur Chelsea á Old Trafford þann 03.04.10., og tvö jafntefli hjá Chelsea sem ég get lofað ykkur að koma. Ég er ekki jafn sannfærður að mínir menn tapi stigum jafn auðveldlega það sem eftir lifir tímabils.

Rooney fékk viðvörun

Lítið feitt barn

Við félagarnir vorum einmitt að ræða hvað "feel good factorinn" við að vinna titilinn er stuttur miðað við hvað dælan getur hamast allan veturinn yfir leikjum tímabilsins.

Svo kemur Raffa með svona yfirlýsingu og "feel good fatorinn" er kominn aftur.

Ég elska þennan mann. Hann er barnslega tapsár, hann ausir pressu yfir lið sitt á versta tíma, hann ruglar öllu saman og segir United eyða meiru en hann þegar það er bara einfaldlega rangt.

En best af öllu er það sem haft er eftir honum um á Sky sports þar sem hann segir að meistararnir séu ekki endilega besta liðið:

"It's the team that has more points, that's all," said Benitez."Sometimes they can be the best at the beginning, in the middle or maybe with consistency, but it just means they have more points."It depends on the time of the season. I don't think I ever said we were playing the best out of everyone, maybe just at certain moments."I do have a lot of respect for the other teams, but to say who is the best at one moment is not easy - there are a lot of good teams in the Premier League."

Á meðan Liverpool menn hafa þennan snilling í sínum röðum, er ljóst að okkur Man Utd mönnum verður skemmt vel og lengi.

Benítez neitar að óska Ferguson til hamingju með titilinn

Joorabawanian

Þvílík snilldar hugmynd að stofna eignarhaldsfélag um viðskipti með leikmenn! Það er ekki nóg með að þetta fyrirbæri hafi nánast endanlega rústað efnahag West Ham sem var dapur fyrir, heldur hefur þetta fáránlega eignarhald líklega skemmt feril Carlos Tévez.

Kia (tökuorð úr bílaiðnaðinum = Ford Kia) á sér magnaða sögu:

Þessi snillingur varð efnaður eftir sölu á fjárfestingarfélaginu American Capital og notaði ágóðan í að taka yfir hið brasilíska félag Corinthias. Hann breytti fljótt rekstri félagsins og skilaði á fyrsta ári 500% tekjuaukningu. Hann var fljótur að meta stöðuna þannig að þetta væri hægt að heimfæra á enskan fótbolta og 2005 fóru af stað sögusagnir um að hann ætlaði að bjóða í West Ham. Skilaboðin voru þessi: hann ætlaði að hafa 100 milljónir £ klárar fyrir félagið ef tilboð hans yrði samþykkt.

Joorabchian átti á þessum tíma félagið MSI sem átti meðal annars söluréttinn á Tévez og dippernum Mascherano. Hann sagði fljótlega af sér sem stjórnarformaður félagsins í aðdraganda sölu þeirra félaga til West Ham 2006.

Fljótlega fór að renna upp fyrir Kia að enski boltinn er allt annað fyrirbrigði en sá brasilíski og lánasamningur við Manchester United 2007 þar sem Kia var sannfærður um að þjónaði eingöngu hagsmunum West Ham, væri slæmur díll fyrir sig sjálfan. Þriðjaaðila eignarhald á leikmanninum gerði mögulegan framtíðarsamning á milli Téves og United flókinn þar sem enska deildin þurfti samkvæmt sínum leikreglum að vera sannfærð um að fjárhagslegir hagsmunir sölunnar væru West Ham, ekki Joorabchian.

Þegar hér er komið við sögu heldur Kia því fram að hann eigi söluréttinn á Tévez. West Ham hafnaði því algerlega og bentu á að leikmaðurinn hefði verið keyptur þegar hann var skráður sem leikmaður þeirra. Hér var upphafið þrátefli sem enn sér ekki fyrir endann á.

Seinna sama ár er svo gefin út alþjóðleg handtökuskipun á Kia. Þessi heiðursmaður var ákærður fyrir peningaþvætti hjá Corinthians í gegnum ráðandi eignarhlut félags hans MSI. Corinthians féllu í aðra deild þetta sama ár.

Kia Joorabchian er óheillagripur sem tilheyrir viðskiptalegum þankagangi ársins 2007. SAF hefur fyrir löngu skynjað hverslags apaviðskipti fylgja þessum manni, afstaða hans til almennra umboðsmanna í Englandi sem eru englar við hlið hans, er kristal skýr: þeir eru að eyðileggja fótboltann.

Ferguson og Kia ósammála um Tévez

Fletch átti aldrei séns eftir vítaspyrnudóminn á Gomez

Það borgar sig að væla. Og væla bara nógu og mikið. Þannig var það með ýmsa menn sem tengjast klúbbi sem lengi hefur haft horn í síðu Manchester United, menn sem áður spiluðu fyrir klúbbinn en skrifa greinar fyrir hann í dag.Ég hef áður skrifað hér um þennan farsa sem átti sér stað með vítaspyrnudóminn á Gomez. Hvaða öfl fengu Webb til að koma fram og efast um eigin ágæti sem dómari, mun ég aldrei skilja og ég er ekki viss um að ég vilji fá alla söguna, slík er skítalyktin af því máli.Og þetta er afraksturinn: Orrahríðinn í kringum Gomez-vítið myndi alltaf kalla á strangan dóm gegn United í næsta leik. Sá aumingjans dómari sem þyrfti að dæma næsta leik United var og er klár vorkunn. Svo kom augnablikið sem allir biðu eftir: Fletcher komst í boltann á undan Fabregas. Boltinn breytti klárlega um stefnu. Fabregas gerði enga tilraun á að ná í boltann. Fletcher tekur niður Fabregas. Dómarinn Rosseti átti engra kosta völ en að dæma víti, hann ætlaði ekki að verða dómarinn sem verðlaunar Unitedmenn neitt frekar. En hann dæmdi rangt. Þetta var aldrei víti. Þetta var aldrei rautt. Fyrir vikið er Fletcher í banni í leik sem hefði orðið stærsti leikur hans á ferlinum. Skömm. Og hver eru skilaboðin: Ef þú villt hafa áhrif á dómara fyrir leik, í leik og eftir leik þá bara hamastu nógu og mikið á þeim.    

Samkvæmt hvaða heimildum?!

Howard Webb hefur hvergi komið fram opinberlega og haldið þessu fram. Og hvernig er fréttin fundin? Jú, hún er höfð eftir fyrrum dómara í enska boltanum sem segir að Howard hafi sagt sér þetta sjálfur!

Það er með hreinum ólíkindum hvað menn geta grenjað og vælt yfir vítaspyrnudómum á OT. Að nokkrum skuli detta það til hugar að Gomez hafi ekki tekið Carrick niður er til marks um algert dómgreindarleysi viðkomandi og að menn ættu alvarlega að lesa "Handbók dómarans". Það skiptir akkúrat engu mál þótt Gomez slengi hendinni í boltann eftir að snertingin á sér stað, Carrick var með algert vald á boltanum og Gomez var of seinn og tók hann niður.

Svona fréttaflutningur er runnin undan rifjum andstæðinga United sem bara þola ekki að vita til þess að réttlætinu var fullnægt með dómnum, og engin mistök af hálfu Webb voru gerð. Hinn margrómaði Mark Lawrenson (Lawro) fyrverandi dipper, segir að Liverpool-menn eigi ekki að kenna Webb um að titillinn far til OT. Hann líkt og aðrir Poolarar sjá vítið eitthvað annað en víti, að sjálfsögðu. Líklega er kvabbið að koma úr þessari átt eins og oft áður: http://www.liverpooldailypost.co.uk/liverpool-fc/liverpool-fc-news/2009/04/28/mark-lawrenson-howard-webb-can-t-be-blamed-for-man-utd-title-win-92534-23487454/

Mér er enn í fersku minni þegar Carroll missti boltann metra inn fyrir marklínu í leik United og Tottenham, en náði að slá hann út áður en línuvörður gat komið sér í nægilega góða stöðu til að sjá að hann var klárlega inni. Fyrir þá sem ekki muna þá skaut Mendez (ef ég man rétt...) frá miðju að marki United og línuverðir rétt fyrir innan miðju, eða í línu við framverði Tottenham. Dómarinn stóð ekki langt frá Mendez. Markið var ranglega dæmt af Tottenham.

Sú kenning var vinsæl hjá stuðningsmönnum Tottenham að þarna hefði eitthvað gruggugt verið á ferð af hálfu dómarans. Svo þegar það hélt ekki vatni, þá bara fóru menn í gömlu skelina sína og sögðu að United fengi allt frítt á Old Trafford. Aumkunarvert.

Spursarar. Þið eigið fantagott lið sem sækir ALLTAF á Old Trafford. Með smá heppni hefðu þið átt að vinna Carling Cup á móti okkur, þið áttuð færin klárlega. En svona bull með að segja að þetta hafi verið eitthvað annað en víti, dæmir sig sjálft. Látið þetta bara kyrrt liggja.

  

Webb hefur viðurkennt mistök

Harry Potter

Harry Redknapp er stundum kallaður Harry Hoodini. Hann er snillingur í að taka við liðum sem þurfa extreme makeover og halda þeim uppi. Hann beitir sjónhverfingum og lætur slöpp lið líta vel út.

En Harry var ekki töframaður í dag. Hann minnti meira á töfrastrákinn úr Hogwarts á sínum fyrsta skóladegi. Hann trompaðist á hliðarlínunni um leið og dómarinn flautaði hið augljósa víti, og taldi sig hafa séð þetta allt saman um það bil 50 til 60 metrum frá atvikinu.

Það er alveg sama frá hvaða myndavél á Old Trafford þetta er skoðað, og eru þær margar til þar, allar sína þær það sama: Gomez fellir Carrick. Í raun var hægt að reka Gomez útaf.

Menn verða sér alltaf til minnkunar með svona ummælum. Harry á að vita betur, lið hans átti ekki séns í dag. Það hefðu engu skipt þótt þetta víti hefði verið tekið af mínum mönnum, United ætluðu sér að vinnan þennan leik.

Harry: leikurinn vannst ekki á einu marki, heldur þremur.

Ferguson: Tévez kveikti í liðinu - Redknapp óhress með dómarann

Nú get ég ekki lengur orða bundist

Ég ákvað að segja skilið við þetta blessaða blogg, þar sem þetta er tímaþjófur og í raun vettvangur fyrir almennt tuð og leiðindi.

En ég verð að tjá mig um ummæli feita barþjónsins sem þjálfar nú dipperana.

Hann er fallinn í nákvæmlega sama pitt og Avram Grant fyrrum þjálfari Chelsea: með United á heilanum.

Það er kannski ekki nema von.

Svona pælingar um "að ef þetta lið vinnur þarna" og "ef þessi leikur fer svona" er lýsandi fyrir menn sem hafa enga stjórn á atburðum og þurfa að hengja sig á eitthvað annað en eigin styrk og æru. Þjálfarar beita vissulega herkænsku þar sem reynir á andlegt þrek manna og pólitískt vit, en Benitez kann bara ekki að spila þann leik.

"Staðreyndasúpa" hans sannar það fullkomlega.

Liverpool er líklega sá klúbbur sem fæstir vilja mæta núna. Árangur og form þeirra er staðfesting á því.

En að halda því fram að United séu hræddir við Liverpool er til marks um algert þekkingarleysi staðreyndameistarans á sögu þessara klúbba. United lifir fyrir að spila við Liverpool, og öfugt.

Benitez. Lokaðu nú á þér þverrifunni og hafðu hugfast að síðasta "bomba" sem þú droppaðir á United kostaði þig 1. sætið til okkar.

Haltu þig við það sem þú kant best, hvað sem það nú er....

 

 

Benítez: Ferguson er hræddur við okkur

Og Tevez situr á bekknum

Carlos Tevez.

Þegar hann skoraði á móti okkur í síðasta leik tímabilsins 2006/2007 á Old Trafford fyrir West Ham og tryggði lið sínu áframhaldandi veru í deildinni, hugsaði ég að þarna væri á ferð baráttu hundur sem gæti passað fínt með hinu villidýrinu hjá okkur sem er kallaður Wayne Ronney. Ég var hundóánægður með frammistöðu okkar manna, að geta ekki landað sigri heima í síðasta leik, þótt titillinn væri í höfn. Maður samt gladdist með West Ham mönnum og Curbisley, West Ham kitlar alltaf einhverjar taugar hjá manni.

Ég á marga hamra-vini sem hafa verið tryggir sínum klúbbi til fjölda ára. Þeir hafa séð menn koma og fara, aðallega fara þar sem West Ham er einskonar útungunarklúbbur. Carlos Tevez er einn þeirra leikmanna sem þeir hafa séð eftir.

Þegar Ferguson keypti/leigði/fékk lánaðan/fékk afnotarétt/forkaupsrétt eða hver veit hvað af þessum leikmanni, varð ég strax sannfærður um að þetta væri leikmaðurinn sem okkur vantaði. Ekki leið á löngu þar til í ljós kom að Tev var þyngdar sinnar virði í gulli. Hann vann eins og hver leikur væri hans síðasti og skoraði mörk í leikjum sem reyndust verða lykilmörk í þeim árangri sem við náðum í fyrra. Hann hefur sýnt United algera og skilyrðislausa hollustu, ólíkt landa sínum Gabriel Heinze sem fer í sögubækur United sem einskonar dipper án þess að hafa nokkurn tímann klæðst treyju Liverpool að vitað sé.

En svo var jöfnunni ruglað og inn hent breytu sem heitir Berbatov. Sá leikmaður er að margra mati besti hreini striker sem spilar um þessar mundir og hefur ótrúlega boltatækni af svo stórum manni að vera. Það sem hann hefur fram yfir Tev er að hann er ólíkur Rooney sem þykir líkjast Tev of mikið. Rooney er einhverra hluta vegna alltaf fyrsti valkostur Ferguson, sama hvað á gengur.

Nú er svo komið að Berbinn og Rooney eru fyrstir á blað hjá kallinum þegar hann velur framherja. Tevez er í kuldanum þrátt fyrir að slá ekki feil nótu á síðasta tímabili. Berbatov er klárlega rétti maðurinn að ekki sé minnst á Rooney sem mun láta grafa sig undir vítapunkti Stretford megin á Old Trafford. En spurningin er hvort samkeppni um stöður eigi ekki að eiga við Rooney líka?

Rooney á það til að detta niður á algert meðalmennsku plan þar sem fátt prýðir leik hans annað en mikil vinnusemi sem skilar engu. Tevez er ekki hollt að vera lengi á bekknum, hann er leikmaður sem þarf að spila 60 min og meira til að ná sem mestu úr honum. Leikurinn í kvöld var rakið dæmi þess þar sem hann skorar 4 mörk, það fyrsta og síðasta.

En eitthvað er í gangi og Ferguson virðist vita hvað það er. Kenningar ganga um að hann sé ekki sáttur við að borga 30 milljónir punda fyrir Argentínumanninn. Hann er verðmætur, en þetta er of mikið.

Mér segir svo hugur að kallinn sé að setja pressu á eigendur Tev og lækka verðmiða hans með því að leika sér með eldinn og setja múl á Tevez. Þegar janúarglugginn opnast og tilboð berast í kappann verða þau ekki í kringum 30 milljónir, meira í nánd við 20 milljónir. Vegna hollustu Tevez og hungri í að vinna fleiri titla með United sem hann hefur þegar unnið 2 stærstu titla sem hann getur unnið, veit Ferguson að best er að spila þetta klókt og gera hann ekki ómissandi fyrir klúbbinn.

Ég hef samt áhyggjur af framvindu mála og tel að við eigum að hugsa okkur tvisvar um áður en við sínum Tevez bakið þar sem hann kann vel að vera 30 milljón punda virði.

Hann var klassa ofar en aðrir leikmenn í kvöld.

Tévez með fernu og og Man.Utd áfram