Ekki Pogatetz að þakka

Þetta eru mjög góðar fréttir fyrir okkur. Possebon er framtíðarmaður í liðinu og er sá leikmaður sem hörðustu stuðningsmenn United fylgjast með í varaliðsleikjum og halda ekki vatni yfir.

Pogatetz er núna að reyna að gera uppbót með því að ætla að hringja í Possebon og biðjast afsökunar á tæklingunni. Hann ætti frekar að hringja til sálfræðings og panta tíma og reyna að leysa með honum ofbeldishneygðina og skeytingarleysið gagnvart limum annarra. Í staðinn opinberar þessi örviti sitt skítlega eðli í fjölmiðlum:

"Firstly, I have to say that I went for the tackle because I thought I could win the ball - I now accept, however that I misjudged the challenge...Immediately after the incident I did not think it was a red card offence because I did win the ball."

Bara það að hann hafi haldið að hann gæti unnið boltann með því að renna sér á fullu skriði með takkana í hnéhæð, segir allt um dómgreindarleysi þessa aumingja. Svo segist hann núna átta sig á því að hann tímasetti árásina illa. Pogatetz síndi engin merki þess að hann teldi tæklinguna illa tímasetta strax eftir brotið. Í stað þess að huga að Possebon sem hann hafði nú stórslasað, stóð hann upp til að þræta fyrir rauðaspjaldið! Steininn tekur svo endanlega úr þegar hann segist hafa unnið boltann, og tæklingin því ekki verðskuldað rautt spjald. Svona málflutningur er náttúrulega eingöngu mögulegur frá sjúkum manni. Með sömu rökum er hægt að segja að það sé í lagi að keyra yfir gangandi vegfarenda þar sem var rautt á hann en grænt á ökumanninn.  

Þegar Pogatetz spilaði með Spartak Moscow fékk hann 6 mánaða bann fyrir að fótbrjóta andstæðing eftir viðbjóðslega árás. Hann fékk bannið stytt í 2 mánuði fyrir að heimsækja fórnarlambið á spítala. 

Þetta skítseyði er nú að reyna að fá mögulegt langt bann sitt stytt í sjálfkrafa þriggja leikja bann með beinu rauðu spjaldi. 

Pogatetz ætti að skríða aftur ofan í holuna sem hann var getinn í, og grjót halda kjafti. 

Possebon er óbrotinn

Pogatetz er sorgleg útgáfa af knattspyrnumanni

Pogatetz verður líklega myrtur þegar hann mætir á Old Trafford aftur.

Tækling hans sem orsakaði fótbrot á einum efnilegasta manni okkar Possebon, er til marks um að sumir menn eiga að vera í fangelsi, ekki að spila knattspyrnu. Pogatetz er úrhrak og hráki af leikmanni, hrotti sem bætir upp skort á knattspyrnulegri hæfni með viðbjóðslegum tæklingum.

Boro liðið er reyndar samansafn af svona drasli. Þeir hafa áður hótað að menn eins og Ronaldo beri "að taka í gegn" og brot þeirra hafa verið eftir því.

Hann ætti að líta um öxl ef hann dirfist að mæta til Manchester.

ps. Fyrir ykkur efasemdamennina þá ættu þið að skoða þessar myndir: 

 

Liverpool og United áfram

Riley og fallegu spjöldin hans

Fínn leikur. Rent boys stóðu ekki við stóru orðin og töpuðu 2 stigum á heimavelli. Annars var það ekki meiningin að skrifa um Chelsea enda lítið um frammistöðu þeirra að segja. Þeir spiluðu bara eins og meðal lið sem uppsker jafntefli.

Það sem merkilegra var, er að Riley dró átta sinum upp gula spjaldið í leik sem á heildina litið kallaði ekki á mikla dómgæslu. Og merkilegt, mínir menn fengu sjö af þessum átta spjöldum. Hvað er dómarapanillinn í Englandi búinn að koma sér í?

Í upphafi tímabilsins var blásið til mikillar herferðar þar sem línan var lögð "að bera skal virðingu fyrir dómaranum". Allir fyrirliðar í ensku úrvalsdeildinni skrifuðu undir yfirlýsingu þess efnis í beinni útsendingu. Ekki byrjaði það vel. Terry rífur niður sóknarmann City, fær rautt, grætur það og kærir. Dómarapanillinn afturkallar spjaldið, brýtur niður málflutning dómarans og sendir hann um stundarsakir niður um deild.

Flott byrjun á prógramminu "Respect the ref".

Ferguson lét menn heyra það. Hann benti réttilega á þann hættulega leik að grafa undan ákvörðun dómara og taka hluta dómgæslu inní bakherbergi enska knattspyrnusambandsins.

Getur verið að lína hafi verið lögð fyrir Riley fyrir leikinn að kenna kallinum lexíu?

Skoðum það nánar:

Gulaspjald 1: Paul Scholes búinn að fá 2 aðvaranir. Önnur fyrir litlar sakir gegn hinum skinhelga Ballack.

Gulaspjald 2: Rio Ferdinand fyrir mótmæli. Anelka slapp í gegn, klárlega rangstæður en klúðraði. Rio benti                      Riley harkalega á mistökin með fyrr greindum afleiðingum.

Gulaspjald 3: Gary Neville fær réttileg spjald fyrir tæklingu á Anelka.  

Gulaspjald 4: Berbatov fyrir þriðju viðvörun. Það var búið að vara hann við 2 áður og lítið við þessu að                          segja.

Gulaspjald 5: Rooney fyrir tæklingu á Ahsley Cole.

Gulaspjald 6: Evra fyrir mótmæli. Benti línuverði á að Chelsea var ranglega afhent innkast.

Gulaspjald 7: Ronaldo bendir Riley á að Kalou hafa rent sér með báðum fótum á boltann og sé að sleppa vel.

Í þessum leik fremja mínir menn 22 brot en Chelsea 18. Samt er eina spjaldið á Chelsea þegar Obi Mikel rennir sér með takka fyrst á Ronaldo. Ballack átti að vanda í skítkasti við mína menn, tæklaði harkalega og ýtir Scholes frá sér þegar leikur var flautaður af. Ahsley Cole átti einn "screamer" líka sem enginn tók eftir, allavegana ekki Riley. Joe Cole sem tók boltann með hönd til að leggja hann betur fyrir sig fyrr í leiknum, tæklar Rio upp að öxlum en fær aðeins dæmda á sig aukaspyrnu.

Chelsea menn töpuðu 2 stigum í dag og Riley virðingunni, ef hún einhver var.  

 

Stamford Bridge virðist óvinnandi vígi

Rent boys eiga enga sögu

Það sem SAF er að meina er að United og Arsenal hafa lengur barist um dollurnar þar sem þær skiptust á að prýða bikaraskápa klúbbanna. Saga þessara lið er mikil, meira en hægt verður að segja um Chelsea.

Fyrir utan að hafa eitt minnsta "fanbase" allra Lundúnaklúbbanna þá tekur leikfimissalurinn þeirra litlar 42.000 hræður. Þeim tekst heldur ekki alltaf að fylla salinn sinn. Hér heima eru aðdáendur Chelsea litlir krakkar sem dáðu Eið Smára, einn og einn stengervingur eins og Sigmundur Ernir, og einhver hráki og uppsóp sem fann sig aldrei hjá okkur, Liverpool eða Arsenal.

Nýverið voru Wenger og Ferguson lykilmenn á góðgerðarsamkomu þar sem þeir fóru á kostum, göntuðust með gamlar skærur og ekki fór á milli mála að vel fór á með þeim. Áralangur farsæll ferill hjá sama klúbbi skilar þér virðingu andstæðinga þinna, eitthvað sem Roman virðist ekki skilja. Hann rak Ranieri fyrir Mourinho. Hann rak Mourinho fyrir Grant. Hann rak Grant fyrir Scolari.

Chelsea snýst um að fjárfesta til skemmri tíma sem best sést á ráðningu Scolaris. Ekki misskilja mig, hann er frábær þjálfari, en hann er ekki sá yngsti á vistinni. Rent boys eiga nóg af pundum. Þeir eiga hins vegar litla og ómerkilega sögu.

Ferguson: Arsenal erfiðari en Chelsea

Seinir í gang enn og aftur

Ég sagði við vinnufélaga minn án þess að hugsa að þessi leikur færi 1-1. Hann fór 0-0.

Við hefðum með fullri virðingu fyrir Villa Real átt að vinna þennan leik 4 til 5 núll. Ekki vantaði færin. Tvisvar hefði verið hægt að dæma víti en það er ekki ástæða þess að 1 stig varð raunin. Það eru þó mikil batamerki á leik liðsins, boltinn gekk hratt og vel, sendingar nákvæmar og seinni boltinn alltaf okkar. Mestu skipti þó að sjá Ronaldo aftur á grasinu. Hann verður klárlega í formi fyrir leikinn á móti The Rent Boys.

Það er einnig gaman að sjá hvernig hægt og rólega pressan er öll að færast á Chelsea. Maður heyrir það á mönnum að Chelsea vinni leikinn nokkuð örugglega, sem hentar okkur fínt. Lampard er byrjaður að væla fyrir leikinn að það skipti hann engu hvort Ronaldo verði með eða ekki, þeir geti sigrað okkur hvort eð er. Málið er Lampard, að það skiptir ykkur öllu, hvort hann er með eða ekki. Offorsi og hamagangur Chelsea í að draga vítaskyttuna Terry aftur inní liðið fyrir leikinn, segir allt um ótta Chelsea við okkur.

Minni lesendur á að við höfum hirt dolluna af Chelsea, varið hana fyrir þeim aftur árið eftir, og líklega niðurlægt þá á eins svívirðilegan máta og hægt er með því að gera þá að einni taugahrúgu í vítakeppni í Meistaradeildinni. Það hlýtur að vera ömurleg tilfinning að sitja í stofunni og horfa á klúbbinn sinn tapa bikar í hendur stóra bróður, og fá ekki neitt í staðinn. Ekki neitt! Ekki einn einasta lítin né ómerkilegan bikar! Ekki nema vona að þeir óttist okkur.

SAF hefur sýnt ótrúlega yfirvegun og ró eftir þessa klassísku rólegu byrjun. Fyrir utan ískrandi gagnrýni á menn eftir leikinn á móti erkifjendunum, þá hefur hann andað í gegnum nefið.United hafa alltaf byrjað rólega. SAF veit það og blæs því ekki á öllum ventlum enn.

Man. Utd og Arsenal bæði með jafntefli

Terry the Goldenboy

Kemur ekki á óvart. Terry hefur sömu verndaráruna og Alan Shearer. Hann er hinn gyllti prins Englands og skal mannorð hans ekki flekkað með neinu móti. Hann minnir um margt á Uday son Saddam Hussein sem hafði ákveðna forgjöf á lög og reglur Íraks á sokkabandsárum sínum. Hann gat nauðgað og drepið að vild fyrir augum almennings án frekari eftirmála.

Þið sjáið að það lítur ekki vel út ef fyrirliði enska landsliðsins hefur á bakinu mikið af spjöldum, að ekki sé minnst á að þau séu rauð eða bein rauð. Þessi niðurstaða er náttúrulega skilaboð til leikmanna að það er í lagi að taka niður aðra leikmenn án frekari refsinga. Auðvitað er það ekki í lagi, það er bara svo vont fyrir Terry að vera með þetta á sakarvottorðinu.

Við fögnum því að Terry sé með um helgina. Afsökunin fyrir tapinu hefði verið svo fyrirsjáanleg ef hann fengi ekki að vera með. Chelsea eru ekkert betri með hann hvort eð er. 

Terry fer ekki í leikbann

Sorpblaðamennska

Dæmigerð sorpblaðamennska. Viðtal við mann sem talar bjagaða ensku og fer vítt yfir sviðið þegar hann er spurður um lífið í Englandi, er dæmt til að innihalda misskilning sem aumur blaðamaður snýr sér í vil. Ekkert selur betur en frétt um lykilmann í besta liði veraldar sem segist vilja fara. Fyrir þá sem þekkja til Vida og þess sem hann hefur sagt um United, vita að svona fullyrðingar eru ómögulegar.

 

Næst ætti mbl.is að leita til mín með svona orðróm, ég skal koma mönnum í skilning um það rétta.

 

 

Vidic segir ranglega haft eftir sér

mbl.is með góða heimildavinnu enn og aftur

Ætli spænski barþjónninn sé aftur farinn að hringja í fréttaritara mbl.is og segja honum fréttir? Ég skal fullvissa ykkur um að þessi ummæli Vida áttu sér ekki stað, eða algjörlega tekin úr samhengi. Vida hefur lengi lýst því yfir að hann njóti lífsins á Englandi. Skemmst er að minnast viðtals við hann eftir sigurinn í Meistaradeildinni á The Rent Boys, þar sem hann sagði andann einn sá besta sem hann hafi upplifað. Gleymum því ekki að Vida er Serbi, svo að ég spyr hversu slæmt getur ástand í Englandi orðið miðað við föðurlandið?

Vidic ósáttur í Englandi

Barþjónninn á sundlaugabarnum tjáir sig

Já, samkvæmt nánast öruggum heimildum er þetta málið. Frændi Alfonso, sem er aðdáandi Real, heyrði það af samtali tveggja manna á kaffihúsi í Madrid, að Glazerarnir þurfi meiri peninga til að stækka Old Trafford. Alfonso sagði svo barþjóninum þetta í góðu veðri við sundlaugina í gær.

Þessi frétt er frábært dæmi um gæði greina sem stundum birtast hérna á mbl. Hættum nú að birta sms frá spánverjum í Madrid. Ron er ekki á förum, ekki fyrir þetta tímabil hið minnsta. 

Botn í mál Ronaldo?

Roman tjaldar enn til einnar nætur

Þetta er dæmigert fyrir Chelsea. Lausn á vanda klúbbsins er enn og aftur takmarkalaus fjáraustur í leikmenn sem gengisfalla við það eitt að skrifa undir hjá félaginu. Chelsea er heróínsprauta Abramovich. Hann veit að til lengri tíma er þetta brjálæði sem elur af sér massífan niðurtúr. Þetta er bara svo gott á meðan því stendur.

Chelsea getur keypt alla þá dýrlinga á sínum síðustu metrum, sem þeir girnast. Þeir munu aldrei ná að verða það stórveldi sem þá svo langar til að vera fyrr en þeir skilja að klúbburinn þarf að vaxa innan frá.

Hremmingar Chelsea munu halda áfram. 

40 milljarðar gerðu svo vel