UEFA cup stemmari

Ég hef oft níðst á Liverpool mönnum fyrir að þurfa að horfa á Evrópuleiki sína á fimmtudögum. Núna verður það hlutskipti ManUtd. Enn spennandi.

Reyndar eru meiri líkur á að United komist lengra þar en í CL, þótt ég sé ekki viss um að það sé mikill metnaður hjá þessum miðlungs-skussum sem klæðast merki félagsins. Ætli brotthvarf okkar þaðan sé ekki ráðgert fyrr en seinna. Það þætti mér bara ágætt.

 Ég er auk þess í fótbolta sjálfur á fimmtudögum. Hef ekki tíma til að horfa á þessa keppni. 

 

Ferguson: Mikill missir

Suárez er ekki að taka lyfin sín

Það var ekki spurning um hvort Suárez myndi koma sér aftur í vandræði heldur hvenær. Maður hefði samt haldið að hann hefði beðið með þetta fram yfir að FA úrskurði um deilur hans og Evra.  

 

Þeir sem enn ekki trúa því að Suárez hafi kallað Evra „niggara“ eru flón.

 

Rooney fékk 2 leikja bann fyrir að segja „what, fucking what“ í myndavél Sky. Það verður gaman að sjá hvernig FA tekur á „fokk-merkinu“ frá Suárez.

 

 

Suárez gaf „puttann“

Menningarviti

“Brighton manager Gus Poyet has offered to testify in court to defend Liverpool striker Luis Suarez.”

Og hvaða vitnisburð ætlar hann að gefa? Var hann á staðnum? Sá hann og heyrði meira en aðrir? Eða heldur hann að þetta mál verði þannig að heiður Suarez verði varinn fyrir breskum dómstólum þar sem hann er lykilvitni varnarteymis Suarez? Gamli, þú hefur horft á of margar bíómyndir.

Hér er grein á bbc.com þar sem Poyet gefur ansi framandi sýn á kynþáttaníð:

„He believes fellow Uruguayan Suarez needs time to adapt to the cultural differences of playing in the Premier League and feels the English game does not do enough to help foreign players.“

Athyglisvert. “Does not do enough to help foreign players.” Er manninum alvara? England er suðupottur ólíkra menningarheima, sama hvar þú drepur niður fæti. Englendingar eru mjög vanir að eiga samskipti við fólk af öðru þjóðerni og þar ríkir almennt mikið umburðarlyndi gagnvart öðrum trú- og þjóðernum. Erlendir leikmenn fara til Englands vegna launanna. Suarez ætti að geta nýtt eitthvað af þessum 100 þúsund pund á viku plús, í að kaupa sér aðlögunarnámskeið sjálfur.

You cannot accuse people without a proper investigation, especially when it's a foreigner who is coming from a different place where we treat people of colour in a different way.“

You cannot accuse people without a proper investigation…” Hvað á hann við hér? Er ekki hægt að bera fram sakir fyrr en rannsókn hefur farið fram? Er sem sagt ekki nóg að Evra segist hafa heyrt Suarez hafa sagt ”niggari”, þarf Evra áður að láta rannsaka að hann hafi heyrt það?

"…foreigner who is coming from a different place….”  Fyrir það fyrsta þá gildir ávallt lögmálið “when in Rome do as romans”. Þetta þýðir að Suárez þarf að skilja að hann er staddur á erlendri grund þar sem samskiptareglur kunna að vera aðrar en þær sem hann hefur hingað til þurft að tileinka sér. Það er engin afsökun að bera fyrir sig einhvern menningarlegan mun þegar menn brúka níðyrði.  

“…where we treat people of colour in a different way.” Oh, dear me! Hvar á maður að byrja hér!? Sem sagt í Urugay er komið fram við litað fólk með öðrum hætti. Og hvernig þá? Er litað fólk þá kallað niggarar? Leggur Poyet hér til að Englendingar taki upp þeirra siði?"

You are not racist when you go against one, but you are if you go against the whole world of different colour and nationalities. That is being racist, not saying one word in one moment,"    

Þannig að með þessum rökum viðhefurðu ekki kynþáttaníð ef þú hittir svartann mann í einrúmi og hvíslar að honum “þú ert niggari.”?? Þú þarft í raun að hafa sagt það opinberlga til að teljast hafa viðhaft kynþáttaníð?  

"…I had to behave in a different way because I've been in England for 13 years. So I know what you are like and I adapt to that. Give Suarez another six months and I think he'll be how you want him to be.

"I know what you are like and I adapt to that”. Hvað nákvæmlega þýðir þetta? Er hann að gefa til kynna að sú sjálfsagða krafa að menn fari eftir siðareglum hafi verið honum þungbært?

“Give Suarez another six months and I think he'll be how you want him to be." Ef Suarez getur ekki uppá eigin spýtur fattað sjálfur hvernig hann á að koma fram við fólk í Englandi, þá þarf hann að fara eitthvað annað. Þetta snýst ekkert um að einhver vilji breyta Suarez. Það er Suarez sem þarf að breyta sér sjálfur, svo einmitt svona uppistand eigi sér ekki stað. Ég hef reyndar ekki trú á því að Suarez eigi séns á að bæta sig þar sem hann er klár villimaður í eðli sínu. Kannski á hann bara heima í Urugay þar sem Poyet segir að sé í lagi að kynþáttaníðast á fólki.

Ferguson ósáttur við ummæli Poyets

Poyet og skólabókin

Þetta eru frábær skilaboð til leikmanna Brighton. Reyndar eru afar fáir deldökkir leikmenn í liðinu, ég vona að sú skýring hafi ekki eitthvað að gera með afstöðu Poeyt til kynþáttaníðs. Mögulega er hann hér líka að verja vinn sinn John Terry sem er einnig sakaður um kynþáttaníð.

Maður skyldi þó alltaf taka svona fréttum með fyrirvara. Þannig er að fæstir þessara knattspyrnumanna hafa lagt mikla áherslu á lestur bóka og að víkka sjóndeildarhringinn, þeir enda einhvern veginn allir í fótboltatengdum störfum eftir ferilinn. Enska er auk þess ekki hans móðurmál og því eiga viðtöl við erlenda leikmenn og þjálfara það til að vera tekin úr samhengi. Mourinho lenti talsvert í þessu tungumálabasli þegar hann var að lýsa tilfinningum sínum strax eftir leiki. þegar hann notaði orðið "cheat" (svindla) um dómara leiksins, átti hann við "unfair" (ósanngjarn). Allir sjá að orðin hafa hrópandi áherslumun en geta átt við sama hlutinn.

Það er mjög gagnlegt að fá þessa umræðu á yfirborðið og athyglisvert að sjá hvað knattspyrnuheimurinn er ljósár á eftir öðrum siðmenntuðum heimi í að taka á óréttlæti. Ýmsir misvitrir sparksérfræðingar eins og Ian Wright og ekki minni strumpar en Sepp Blatter hafa skitið í buxurnar við það eitt að tjá sig um þessi mál. þar hafa menn opinberað algera fávisku og tómlæti um kynþáttaníð, og kemur þar í ljós hvað menn vita í raun lítið um það sem gerist í þeirra eigin bakgarði.

Fótboltamenn eiga að halda sig við það sem þeir kunna: að sparka bolta. Poyet er illa lesinn og hefur fengið einu höfuðhögginu of mikið í gegnum sinn feril. Hann á að hafa vit á því að þegja þegar blaðamaður leggur fyrir hann svona siðferðislega gildru.

Blatter verður ekki bjargað. Hann á heima í fangelsi.    

Poyet: Evra er grenjuskjóða

Queen Kenny og hirðin hans

"Whoever is the guilty party - the person who said it or the accuser - [should] get their due punishment."

 

Kenny Dalglish í viðtali við BBC um deilur Suarez og Evra.

 

Þessi ummæli eru hreint með ólíkindum. Þarna er Dalglish beinlínis að segja að ef ekki tekst að sanna að Suarez hafi kallað Evra “niggara” þá beri að refsa Evra. Ef þetta er raunverulega skoðun Dalglish en ekki bara sagt af einhverri vanþekkingu, þá er mér illa brugðið. Maðurinn virðist í besta falli vera illa mentuð lágstéttar blók, í versta falli kynþáttahatari.

 

Nú hefur FA ákært Suarez fyrir kynþáttaníð í garð Evra. Höfum hugfast að ákæra FA er ekki dómur. En þegar FA gefur út ákæru þá er búið að skoða málið vel og afar sennilegt að sannanir hafi fundist fyrir ásökunum um kynþáttaníð. 

Málið er farið að líta verulega illa út fyrir Liverpool. Fyrir utan ótrúlega illa ígrundaða ákvörðun klúbbsins að gefa svo sterkar yfirlýsingar út í upphafi máls um sakleysi Suarez áður en nokkur rannsókn hafi farið fram, þá virðist sú staðreynd að FA gefur út ákæru á hendur Suarez gefa til kynna að Liverpool hafi veðjað vitlaust. Auðvitað styður klúbburinn sinn mann, en það eru leiðir til þess sem taka mið af hófsemd og án sleggjudóma. Ef einhverjir eiga að þekkja Suaerz og hans orðspor þá eru það hans núverandi vinnuveitendur. 

Niðurstaðan á svo að vera endanleg. Reynist Suarez sekur um kynþáttaníð ber að refsa honum, þótt vissulega megi það verða honum til refsilækkunar ef hann biðst opinberlega afsökunar. Reynist hann saklaus verður mál látið niður falla. Evra þarf ekki að sanna að hann hafi verið kallaður ”niggari” að öðrum kosti verði hann dæmdur sekur um rangar sakargiftir, neitt frekar en fórnarlamb kynferðisbrota þarf ekki að svara til saka ef meintur gerandi er sýknaður.

 Það er bara menn eins og Queen Kenny og stuðningsmenn Liverpool sem þetta ekki skilja.

Suárez kærður fyrir kynþáttafordóma

Kemur ekki á óvart, Suárez er veikur.

þegar Suárez er ekki á hnjánum að gera sér upp meiðsli þá er drengurinn djöfull góður knattspyrnumaður.

En mikið djöfull er hann illa gefin.

Hann er frægur fyrir að haga sér eins og dýrbítur og er kallaður mannætan. Hann er þegar á góðri leið með að vera handhafi þess vafasama heiðurs að kallast mesti svindlari enska boltans.

Í hverri leikviku er einhver uppákoma með hann sem tengist ekki fótbolta. Núna fellur hann í þann fúla pitt að kalla annan knattspyrnumann "negra".

Suárez er sjálfsagt ekki langskólagenginn. En þegar þú ert atvinnumaður í fótbolta þá gilda reglur um svona hluti.

Vandamál Suárez er hins vegar dýpra. Ég tel nokkuð augljóst að hann er veikur á sál. Hann þarf hjálp áður en hann þarf að afplána 10 leikja bannið fyrir einhverja bombu. 

Kynþáttaníð á hvergi heima. það gæti hins vegar reynst þrautinni þyngra að sanna svona hluti með afgerandi hætti. Suárez harðneitar að hafa kallað Evra "negra" og er það sem stendur orð gegn orði.

En það er athyglisvert það sem Liverpool nú leggur til en það er að ef ekki sannast á Suárez að hann hafi kallað Evra "negra", þá á Evra að fara í leikbann. Með sömu rökum er Liverpool semsagt að segja að ef kona sem kærir mann um nauðgun sem ekki telst sönnuð, þá á að dæma konuna í fangelsi.

Þetta er geggjun.

Að fótboltaklúbbur á þeim stalli sem Liverpool er á skuli láta svona frá sér, er til skammar. Liverpool eru með þessum hætti að senda öllum leikmönnum sem hafa orðið fyrir eða verða fyrir kynþáttaníð þau skilaboð, að ef þú hefur ekki harðar sannanir, þá skaltu halda kjafti.

 Nú þarf FA að vera samkvæmt sjálfu sér rannsaka þetta ljóta mál. Ef Suárez sést með afgerandi hætti eða einhver gefur sig fram á vellinum sem telur sig hafa heyrt Suárez hafa viðhaft slíkt orðbragð gagnvart Evra, þá á Suárez að fara í langt bann. Rooney fékk 2 leiki fyrir að segja "What, fucking what" í linsu sjónvarpsvélar. Eða fær Liverpool að vanda sérmeðferð?   

Evra sakar Suárez um kynþáttaníð

Fundur Dalglish með formanni dómarasambandsins skilar árangri

Fundur Dalglish með formanni dómarasambandsins skilar árangri

Hvernig Atkinson (Atkinson?! Hljómar nafnið kunnuglega?) fékk það út að Rodwell hefði brotið á Tannálfnum, er öllum nema Liverpool mönnum hullinn ráðgáta. Ef eitthvert réttlæti væri í þessum heimi hefði Tannálfurinn fengið gult fyrir leikaraskap. Hann lá í grasinu, velti sér eins og á hann vantaði fót og bað um hjálp frá hliðarlínunni.

Nú hefur knattspyrnusambandið afturkallað spjaldið sem er náttúrulega það eina rétta. En um leið samþykkir sambandið að Tannálfurinn hafi viðhaft leikaraskap. Ef Rodwell fór löglega í boltann sem nú er ljóst, hvar er þá meiddið á Tannálfnum? Er ekki rétt að spjalda þá Tannálfinn líka afturvirkt? Einhverjir kunna að benda á að hægt sé að meiða sig í tæklingu sem er lögleg. En á það skal bent að snertingin sem á sér stað var ekki síður af tilstuðlan Tannálfsins sjálfs, og greinilega má sjá að hann stígur fast niður við fót Rodwell þegar Rodwell nær boltanum. Tannálfurinn er þekktur fyrir margt annað en heiðarleika. Með Ajax 2010 tókst honum að fá viðurnefnið "mannætan í Ajax" þar sem hann gerir sér lítið fyrir og bítur leikmann PSV. Kannski erfitt fyrir mann með jafn framstæðan tannrekka að halda tönnunum undir vörunum.Í leik á móti United sést hann svo eftir að dómarinn hafði stoppað leikinn þar sem Rafael hafði brotið á leikmanni Liverpool, þrífa aftann í hnakka Rafael og rífa duglega í hár hans.  Sannur heiðursmaður.Dalglish grenjaði svo mikið í dómarasambandinu að hann fékk fund. Fundurinn skilaði greinilega sínu. Hvenær fær Sir Alex Ferguson svona fund? 

Rauða spjald Rodwells fellt niður

Fundur Dalglish með formanni dómarasambandsins skilar árangri

Hvernig Atkinson (Atkinson?! Hljómar nafnið kunnuglega?) fékk það út að Rodwell hefði brotið á Tannálfnum, er öllum nema Liverpool mönnum hulin ráðgáta. Ef eitthvert réttlæti væri í þessum heimi hefði Tannálfurinn fengið gult fyrir leikaraskap. Hann lá í grasinu, velti sér eins og á hann vantaði fót og bað um hjálp frá hliðarlínunni. Lucas Leiva þurfti nánast áfallahjálp eftir hið hræðilega brot.

Tannálfurinn er þekktur fyrir margt annað en heiðarleika. 

Með Ajax 2010 tókst honum að fá viðurnefnið "mannætan í Ajax" þar sem hann gerir sér lítið fyrir og bítur leikmann PSV. Kannski erfitt fyrir mann með jafn framstæðan tannrekka að halda tönnunum undir vörunum.

Í leik á móti United sést hann svo eftir að dómarinn hafði stoppað leikinn þar sem Rafael hafði brotið á leikmanni Liverpool, þrífa aftann í hnakka Rafael og rífa duglega í hár hans. 

Sannur heiðursmaður.

Dalglish grenjaði svo mikið í dómarasambandinu að hann fékk fund. Fundurinn skilaði greinilega sínu.

Liverpool fjórða eftir sigur á Everton

Sjaldan launar kálfurinn ofeldið

Mig grunað að þessi saga tæki einhverjar beygjur. Ég setti niður nokkrar pælingar um Hargo og hans næstu skref. Ég átti þó ekki von á þessu.

Hargreaves er kominn á stig reiðinnar í sínu sorgarferli. Nú bendir hann á sökudólga þess að ferill hans var nánast farinn. Sökudólgurinn er hins vegar slæm hné og slæmir öklar. Uppisafnaður pirringur og vonbrigði brýst nú út með ógnarkrafti þar sem sjálfstraustið er komið aftur. Hér reynir oft á hversu sterkir karakterar menn eru. Hargreaves veldur mér vonbrigðum, ég hafði séð hann sem sterkari mann.

Ef við skoðum ásakanir hans betur er margt sem ekki fæst staðist:

• Hargreaves upplýsti ekki United um umfang meiðsla sinna þegar hann kom til United. Haft var eftir Dr. Steadman að hann hefði aldrei séð eins slæm krossbönd hjá atvinnumanni í íþróttum, og í tilfelli Hargreaves. Þetta er ÁÐUR en hann byrjaði að spila á fullu gasi fyrir United. Hnén á Hargreaves voru farin hjá Bayern.

 

• Klúbbur sem meðhöndlar oft á tíðum verðmætustu (ekki dýrustu, það er annað mál og fylgir ekki alltaf verðmæti) knattspyrnumenn sögunar á borð við United, eru eðli málsins samkvæmt með færustu lækna og sérfræðinga sem völ er á. Hvers vegna ætti slíkt teymi að nota einhver tilraunameðul til að laga skemmda ökla eins og hann heldur fram? Allt sem gert var til að sigrast á meiðslum Hargreaves var gert eftir strangri leiðsögn Dr. Steadmans. 

 

•  Hargreaves gerir að því skóna að sprauturnar hafi verið til þess að flýta honum aftur á völlinn. Manchester United hafa aldrei verið uppá framtak eins leikmans komið. Þvert á móti hafa leikmenn sem verða stærri en klúbbur verið látnir fara. Í United eru alltaf menn sem koma í stað annars, og er Hargreaves engin undantekning. Menn eru einfaldlega ekki látnir spila meiddir. Menn eins og Rio, Vidic, Solskjær og fleiri eru dæmi um þetta. Þegar menn meiðast er þeim gefin tími til að ná sér. Sumir leikmenn fá ekki einu sinni að ráða því sjálfir hvort þeir sé orðnir góðir, sbr. Rooney sem vill alltaf spila, sama hvert ástandið er. Þú skemmir ekki fjárfestinguna þína í leikmanninum með því að flýta honum á völlinn fyrir bata. Ef þú ættir Porche Cayanne, myndirðu keyra hann tæpan á olíu bara af því þú hefur rétt á því?

 

• Þegar Hargreaves fór í læknisskoðun hjá City og hann hefur verið úrskurðaður góður, þá var það vegna þess að 4 ára meðferðin sem hann hefur verið í hjá United, hefur á endanum virkað. Ekki vegna þess að hann hljóp á hlaupabrettum á hlið í sumar og myndaði það á Youtube, og ekki vegna þess að hann drakk töfradrykk hjá læknum City.

Ef Hargreaves er orðin góður og engin á Old Trafford sá það, þá er það Hargreaves að vinna og United að tapa. Það sem verra er að City græðir líklega hvað mest á þessu. Nú hefur klúbburinn gefið út opinbera yfirlýsingu þar sem ummæli Hargreaves eru hörmuð.

Hargreaves á ekkert með að benda úti í loftið og leita eftir sökudólgum. Það skilar engu nema aukinni pressu á þegar slæm hné.  

 

    

 

Ferguson: Læknalið okkar er frábært

Svanasöngur Hargo

Þegar United keypti Hargreaves frá Bayern Munich 2007 á litlar 17 milljónir £ tók samningsferlið heilt ár að ganga í gegn. Miklar væntingar voru gerðar til hins Kanadaættaða leikmans þar sem frammistaða hans í heimsmeistarakeppninni í Þýskalandi 2006 var eftirtektarverð. Hann var án ef einn besti leikmaður Englendinga þess móts. Það sást fljótt að Hargreaves gæti spilað mikilvægt hlutverk í uppbyggingu United til framtíðar. Hann hefur einstaka leiðtogahæfileika og býr yfir einhverjum harðnaglafídusum sem einkenndu menn eins og Keane og Cantona. Innleg hans í að landa Englandsmeistaratitlinum og Meistaradeildartitlinum 2008 var mikið og vanmetið. 

En meiðslasaga hans er með eindæmum sorgleg. Í 3 ár hefur hann verið meira og minna meiddur og nú loks fyrir þetta tímabil slökkti SAF á öllum vonum um að Hargo myndi spila aftur með United. Honum var ekki boðinn nýr samningur. Hargo meira að segja bauðst til að vinna frítt þetta tímabilið, en búið var að skrifa lokakafla Owen Hargreaves hjá Manchester United.

Hann var rekinn. Mat United á leikhæfi Hargreaves er byggt á þeirri staðreynd að hann hefur ekki verið leikfær í 3 ár. Hann hefur verið fastagestur í biðstofu eins færasta krossbandasérfræðings heims, Dr. Steadman. Hann hefur verið út um allan heim í meðferð og endurhæfingu fyrir allskonar hliðarmeiðslum frá krossbandinu, sem mér skilst að íþróttamenn á þessu stigi þurfi oft að glíma við. Einn ríkasti klúbbur heims hefur auk þess úrvalslið lækna og sérfræðinga til að meta leikhæfi og batahorfur manna. Hargreaves fékk 3 ár til að koma til baka, en ekkert gerðist. Svo gerist eitthvað undarlegt. Hargreaves sést á Youtube þar sem hann hefur útbúið eins konar „promo video“ til að sannfæra umheiminn að hann sé í formi og í lagi. Gat verið að brotthvarf hans frá United hafi verið róstusamt? Hið minnsta hafði bón hans um að spila frítt gefið til kynna að hjarta hans var hjá United og einlægur ásetningur um að sigrast á þessum meiðslum. Á þessum punkti vorkenndi ég Hargo mikið. Hversu djúpt er hægt að sökkva. 

En viti menn.

Manchester City af öllum þeim óþvera sem til er þarna úti, býðst til að taka við honum á „pay as you play“ samningi. Klúbbur með botnlausa sjóði ræður til sín leikmann sem hafði boðist til að spila frítt. Annað hvort taka City við Hargo til að stuða rauða nágranna sína, eða það sem verra er, þeir einfaldlega sjá að þeir geta notað hann. 

Í gær spilaði Hargo 57 min með City og skoraði algjöran belter af marki. Skot utan af teyg í standandi stöðu sem small eins og eldflaug í efra horni marks. Hann átti 54 kláraðar sendingar á samherja og gerði leikmönnum Birmingham lífið leitt allan tímann. Stuðningsmenn City hylltu leikmanninn þegar hann var tekinn útaf.

 

Já, of snemmt er að segja til um hvort Hargo sé kominn aftur. 57 min í bikarleik segja ekkert. En hvað ef leikmaðurinn er heill?

Reikningur Dr. Steadman hefur örugglega verið ígildi eins leikmans fyrir United og því erfitt að ímynda sér að ekki hafi verið fullreynt með læknisskoðun. En hvað sáu læknar United í löppum Hargreaves sem læknar City ekki sjá? Eða var kannski ekkert skoðað aftur þar sem skosk þolinmæði var löngu uppurin?  Ein skýring á því að gamli vildi ekki veðja meira á Hargo var að hann tók upp pláss í hóp frá öðrum yngri og efnilegum leikmönnum. Strákar eins og Morrison og Pogba hafa fengið góða dóma og þykja afar efnilegir. En Hargreaves er þekkt stærð þegar hann er leikfær. Hefur sannað gildi sitt fyrir löngu síðan. Heill Hargreaves er heimsklassa leikmaður. Morrison og Pogba eru óreyndir og óharðnaðir unglingar. Þess heldur er hópurinn afar ungur fyrir utan þá, með stráka eins og Cleverly, Wellbeck, Jones, Macheda og Da Silva bræðurna. Heill Hargreaves jarðar Morrison og Pogba. 

Mancini grenjaði svo eftirminnilega í fjölmiðlum um daginn eftir að hann missti leik í jafntefli á móti Fullham þar sem hann taldi sig enn vanta miðjumenn.

Mér sýnist hann hafa fengið miðjumanninn sinn. Það sem er þó merkilegra og fyrir margar sakir einstaklega gremjulegt, er að United vantar líka miðjumenn. Sneijder kom ekki þar sem menn fóru í störukeppni. Carrick er að hnigna, Fletcher er leikmaður sem þarf alltaf að eiga stjörnuleik til að verða skilgreindur í besta falli góður í leikjum, Cleverly er efnilegur, og Anderson á það til að detta í meðalmennsku þótt hann hafi sýnt miklar framfarir. Leikfær Hargreaves hefði verið fullkominn fyrir United. Það var bara ekki pláss fyrir hann. 

„In SAF we trust“ er orðatiltak sem maður hefur lært að virða. En fórnarkostnaðurinn hér gæti orðið ígildi þess að tapa einum sex stiga leik. Ég vona að sú ákvörðun að leyfa ekki leikmanni að spila frít  fyrir sig, bíti ekki menn í rassinn.

 

 

Mancini: Hargreaves getur orðið mikilvægur