Pride of all Europe

...Af því að forvitni okkar rekur okkur í að kanna hið ótrúlega og fáránlega.

 Datt einhverjum í hug að Liverpool væri með titilinn í sigtinu?? Nei í alvöru, datt einhverjum það í hug?

Enda kom það í ljós. þessi frétt var svona eins og aprílgabb. "aaaaaaa......þú meinar. Kvennaliðið. Auðvitað..."

Viðskipti okkar í þessum skiptaglugga hafa verið frekar þunnur þrettándi. Það má alltaf deila um mikilvægi gluggans fyrir lið sem vinna sína deild og skila ásættanlegum árangri í Evrópu, en bregðast þarf við þegar leikmannajöfnuður er neikvæður (fleiri first team út en inn), sem og aðgerðum annarra liða. Þar er nokkuð ljóst að sumir hafa enn eitt árið keypt eins og markaðurinn verði lokaður næstu fimm árin.

Edward Woodward heitir maðurinn sem ber sama titil og David Gill gerði áður. Þetta er maðurinn sem á að halda um viðskiptahluta leikmannakaupa United. Hann er að upplagi markaðssnillingur en hefur átt erfitt með að aðlaga sig nýju hlutverki. Þáttur hans í leikmannakaupamálum í sumar hefur verið misheppnaður svo vægt til orða sé tekið:

Cesc Fabregas - virðist ætla að halda tryggð við Barcelona.

Thiago Alcantara - fór til Bayern.

Leighton Baines - Everton hafa lýst því yfir að hann fari hvergi.

Fleiri nöfn hafa verið orðuð við klúbbinn með tilviljunarkenndum hætti:

Ronaldo, Bale, Özil, Modric, De Rossi, Gundogan, Garay, svo eitthvað sé nefnt.

Eina nafnið á "high end" leikmanni sem virðast líklegt að komi, er Fellaini. Og Fellaini er mögulega ekkert "high end" nafn, þótt ég meti hann frábæran leikmann og klárlega góð viðbót við gott lið. En hann er ekkert meira en það: góð viðbót.

Fellaini verður aldrei x-factorinn í formúlunni gegn Real Madrid. Eða Barcelona. United liðið hefur sýnt augljósa veikleika í miðjuspili sínu undanfarin ár. Mikil gæði annarsstaðar á vellinum gera það að verkum að við komust upp með þetta. Fellaini bara mun ekki duga.

Þetta er vissulega allt háð framþróun annarra miðjumanna sem eru enn á leið upp eins og Cleverly og Kagawa. Ég er sjálfur ekki veðraður af Cleverly, finnst hann vanta þennan neista sem einkennir topp miðjumann, en Kagawa er þessi "tilbúna vara", eini vandinn við hann er hvenær ætlar hann að byrja að spila fótbolta fyrir United? Staða hans hjá klúbbnum versnar með hverjum mánuði og eitthvert daður við gamla klúbbinn hans hjálpar engum, síst honum sjálfum. Kagawa var keyptur til United einmitt í það hlutverk sem ginger ninjan var að hverfa úr. Kagawa hefur mikla tækni og er afar skapandi og hreyfanlegur miðjumaður. hann getur spilað bæði hægra og vinstra megin en er best nýttur sem sóknar miðjumaður sem getur bæði skilað úrslitasendingunni og skorað. Ákvörðunartaka hans þykir ekkert nema tær snilld og hafa stuðningsmenn United fengið að sjá það í verki, en alltof lítið það sem af er.

Og þetta er það sem liðið er með í höndunum í dag: tvo unga hæfileikaríka miðjumenn sem skiptast á að vera heitir og ískaldir, þrjá kantmenn sem hafa átt erfitt uppdráttar og vantar alla festu innan liðsins, gamalt ledgent sem slagar í fimmtugsaldurinn, útbrunninn brasílískan miðjumann sem aldrei náði flugi, og akkerið sjálft Michael Carrick, sem sjálfsagt er eini leikmaður þessarar upptalningar sem gæti náð augum annarra stórliða. Aðirir óupptaldir miðjumenn United Januzaj, Lingard, Powell og Saha eru klárlega mikil efni og lofa góðu, en þeir eru ekki þessi "endavara" enn sem komið er.

Skoðum miðju tveggja liða sem eiga að vera á sama stalli og United:

Chelsea: Mata, Van Ginkel, Hazard, Oscar, Essien, John Obi, Ramires, Lampard, De Bruyne.

Bayern: Alaba, Schweinsteiger, Gotze, Muller, Javi Martinez, Shaqiri, Alcantara, Ribery, Hojbjerg, Kroos

Pund fyrir pund stenst United ekki þennan samanburð, sérstaklega ef tekið er mið af fáránlegri miðju Bayern Munich.

Miðja annarra liða eins og Real og Barcelona sem innihalda nöfn á borð við Ronaldo og Bale, og aftur Messi og Neymar, segja einnig meira en þúsund orð.

Plan United um að innbyrgða topp nöfn þetta árið virðist vera að renna út í sandinn.  Ef Moyes hefði sagt okkur í upphafi gluggans að hann ætlaði að fá til liðs við sig Marouane Fellaini hefðu margir rekið upp stór augu og spurt: "...og ekkert meira?" Það lítur ekki út fyrir það.

Gill má eiga að hann var með þetta. Ed Wood virðist ekki vera með þetta.

	Fellaini færist nær Manchester United
Ábyrgðarmaður færslu Tilkynna um óviðeigandi tengingu við frétt

það sem Luis Zuárez þarf er hærri greindarvísitala. Slíkt er því miður ekki til á lager og sjálfsagt lítið annað fyrir Liverpool að gera en að sætta sig við það sem þeir hafa. Suárez verður ekki markakóngur í ár. Hann sá til þess sjálfur og fer í langt bann. Eðli hans tryggir auk þess að hann verður ekki leikmaður ársins. Ég var reyndar hissa að sjá nafn hans á þessum lista eftir kynþáttaníð hans í garð Evra.

Hann er guðsgjöf til okkar United manna. Liverpool menn mæra hann fyrir mörkin, en hvað með allt fokkið sem hann hefur skapað í Liverpool? Leikbönnin? Ummælin?

Þetta er orginal fífl sem ég vona að verði lengi með Liverpool. 

	Suárez boðið á reiðistjórnunarnámskeið
Ábyrgðarmaður færslu Tilkynna um óviðeigandi tengingu við frétt

Það er með ólíkindum að til séu menn sem réttlæta þetta viðbjóðslega brot. Ekki nóg með að Callum Mcmanaman hafi farið af fullu gasi með stefnuna beint á hné leikmannsins heldur sá hann ekki einu sinni sóma sinn í að skammast sín þegar reiður aðstoðarþjálfari Newcastle mætti honum í leikhléi. Hann hreitti til hans að hann mætti ekki fara inná völlinn. 

Hér er á ferð enn einn drulludelinn sem ætlar að stimpla sig í enska boltann á röngum forsendum.

En þetta stoppar ekkert þarna. Dave Whelan stjórnarformaður Wigan og Martinez þjálfari liðsins hafa varið atvikið. Ég á ekki til orð. Horfið á linkinn einu sinni enn...

...Hvernig getur nokkur heilvita maður reynt að verja svona brot?!

Ef FA dæma ekki leikmanninn í hið minnsta fimm leiki þá er stríðshanskanum kastað. Hvað Wigan varðar þá viljum við ekki sjá ykkur í þessari deild. Vonandi verður fall ykkar hlutskipti í vor.

Whelan og Martinez eru aumingjar af verstu sort. Það er ekki nema von að leikmenn eins og Mcmanaman vilji spila þarna. 

	McManaman sagður fá að lágmarki þriggja leikja bann
Ábyrgðarmaður færslu Tilkynna um óviðeigandi tengingu við frétt