Ærulaus her

Ætlar Liverpool algerlega að klára sig á þessu Suárez máli?!

Nú er klúbburinn búinn að gera svo hrikalega uppá bak frá fyrsta degi hvað þetta varðar, að ég er þess viss að þeir muni ímyndarlega líða fyrir þetta lengi enn.

Svo kemur þetta.

Þeir vilja sem sagt draga Manchester United með sér í þennan sjálfskapaða forarpytt með því að halda einhvern sáttafund fyrir leikinn á Old Trafford! Allt með þeim tilgangi að auðvelda endurkomu Suárez eftir bannið sem einmitt mun gerast á Old Trafford.

Í fyrsta lagi. Það að leikmaður þeirra kynþáttaníði annan leikmann er þeirra mál að klára. Í þessari frétt sem er slök þýðing af bbc.com er talað um "meint kynþáttaníð" en það er ekki meint. það er sannað. Nú er búið að dæma í því máli, Suárez er sekur og hefur fengið refsingu sem hann nú afplánar. Beckham þurfti að taka út háðið frá heilli þjóð eftir rauðaspjaldið með Englandi á HM, Suárez þarf bara að taka þessu líka.

Í öðru lagi. Viðbrögð þeirra og aðgerðir frá fyrsta degi hafa einkennst af fumi, barnaskap, sjálfhverfu og einfelldni. Þeir gerðu allt rangt. Manchester United hafa ekki tjáð sig um þetta mál nema svarað því til að klúbburinn telji sérstakt að Liverpool gefi út allar þessar yfirlýsingar á meðan rannsókn stendur yfir. Liverpool á þessa skítabombu einir skuldlaust.

Í þriðja lagi. Tilraunir þeirra til að sverta Evra og hans mannorð með staðhæfulausum fullyrðingum um að Evra hafi áður gerst sekur um rangar sakargiftir vegna kynþáttaníðs, eru viðbjóðslegar.

 

Að ofansögðu eru allar tilraunir að draga United að einhverju sáttabroði aumkunarverðar. Akkúrat engar deilur hafa verið á milli klúbbana varðandi þetta mál. Leikmaður kærði annan leikmann fyrir níð. Liverpool hafa átt sviðið síðan þá og þvílík leiksýning.

Þetta nýjasta útspil er svona eins og þegar skólafanturinn lemur samnemanda án tilefnis eða ástæðu. Skólastjórinn biður þá svo að koma á skrifstofuna og takast í hendur. Gott boð fyrir þann barða, ekki satt? 

Ferguson hafnar friðarviðræðum

De Gea á ekki séns!

Þessi drengur er ekki United gæði. Getur ekkert. Lindegaard fær ekki á sig mark en De Gea kominn með 17! Hvað er SAF að hugsa?! Bara selja þetta grey á meðan einhver vill borga fyrir hann. Lindegaard er flottur.

Leikur liðsins annars í molum. Nani hauslaus.

Svona verða menn ekki meistarar.

Blackburn lagði United á Old Trafford

Yfirlýsing skrifuð af gangaverðinum

Liverpool kom sér í mikil vandræði með yfirlýsingunni sem þeir sendu strax út til varnar Suárez, einhverjum klukkustundum eftir atvikið. Áður en nokkuð var vitað um forsendur og framvindu mála gaf klúbburinn út ótímabæra stuðningsyfirlýsingu, sem gekk öll út á að sverta Evra og gera lítið úr broti Suárez.

Þessi yfirlýsing er svo vanhugsuð að mann skortir orð. Eitt stingur þó verulega í augun í yfirlýsingunni sem gerir að því skóna að Evra hafi áður sakað mann og menn um kynþáttaníð:

 

"...It is also our opinion that the accusation by this particular player (Evra) was not credible – certainly no more credible than his prior unfounded accusations."

 

Hvað eiga menn hér við? "prior unfounded accusations?" (þýðing: áður birtar ósannaðar ásakanir). Mér dettur helst í hug að hér sé Liverpool að vitna til atviks þar sem heyrnalaus stuðningsmaður taldi sig í leik hafa séð með varalestri fyrrum leikmann Liverpool Steve Finnan, viðhafa kynþáttaníð gagnvart Evra. Í þessu tilviki kom hvorki hósti né stuna frá Evra um málið, og klárlega ekki af hans völdum að þetta varð fjölmiðlamál.

 

Annað atvik sem mögulega Liverpool er að misskilja viljandi eða ekki, er þegar Evra var dæmdur í leikbann eftir átök við vallarstarfsmann hjá Chelsea eftir leik á Brúnni. Við rannsókn var því haldið fram að neikvætt orðalag er tengist kynþætti hafi verið viðhaft af hálfu vallarstarfsmansins Sam Bethel, sem beint var gegn Evra. það merkilega er að Evra nefndi í umræddri skýrslu að hann heyrði aldrei nein orð um kynþáttaníð sem beind voru að honum. Þau ummæli komu frá Mike Phelan aðstoðarþjálfara United, sem var vitni að átökunum. Hvort sem það hafi verið sannað eða ekki, skiptir engu máli. Evra bara hélt þessu aldrei fram.    

 

Klúbbur af þessari stærðargráðu þarf að kynna sér málavexti áður en gefin er út yfirlýsing sem er svo persónuleg. Nú þurfa Liverpoolmenn bara að horfast í augu við þá staðreynd að Suárez kallaði Evra "niggara". Frekari málalengingar munu aðeins flækja málið og auka líkur á að þessi leikmaður hverfi aftur til meginlandsins fyrir næsta tímabil. 

  

 

 

Harðorð yfirlýsing frá Liverpool

Bitur maður

Ég skil Dalglish að vissu leiti. Hann mun núna missa eina alvöru markaskorarann sinn fram í miðjan febrúar. Svo á eftir að dæma í fokk-merkja málinu sem eru klárir 2 ef ekki 3 leikir. Suárez gæti verið í banni fram á byrjun mars.

En ég vorkenni honum akkúrat ekki neitt. Honum var nær að kaupa geðsjúkling sem hefur enga stjórn á sér.

Nú leyfum við grugginu að setjast og sjáum hvað gerist á næstu dögum. Það logar allt í bloggheimum. Andy Carrol sér um markaskorunina á meðan.

Dalglish: Mjög vonsvikinn

UEFA cup stemmari

Ég hef oft níðst á Liverpool mönnum fyrir að þurfa að horfa á Evrópuleiki sína á fimmtudögum. Núna verður það hlutskipti ManUtd. Enn spennandi.

Reyndar eru meiri líkur á að United komist lengra þar en í CL, þótt ég sé ekki viss um að það sé mikill metnaður hjá þessum miðlungs-skussum sem klæðast merki félagsins. Ætli brotthvarf okkar þaðan sé ekki ráðgert fyrr en seinna. Það þætti mér bara ágætt.

 Ég er auk þess í fótbolta sjálfur á fimmtudögum. Hef ekki tíma til að horfa á þessa keppni. 

 

Ferguson: Mikill missir

Suárez er ekki að taka lyfin sín

Það var ekki spurning um hvort Suárez myndi koma sér aftur í vandræði heldur hvenær. Maður hefði samt haldið að hann hefði beðið með þetta fram yfir að FA úrskurði um deilur hans og Evra.  

 

Þeir sem enn ekki trúa því að Suárez hafi kallað Evra „niggara“ eru flón.

 

Rooney fékk 2 leikja bann fyrir að segja „what, fucking what“ í myndavél Sky. Það verður gaman að sjá hvernig FA tekur á „fokk-merkinu“ frá Suárez.

 

 

Suárez gaf „puttann“

Menningarviti

“Brighton manager Gus Poyet has offered to testify in court to defend Liverpool striker Luis Suarez.”

Og hvaða vitnisburð ætlar hann að gefa? Var hann á staðnum? Sá hann og heyrði meira en aðrir? Eða heldur hann að þetta mál verði þannig að heiður Suarez verði varinn fyrir breskum dómstólum þar sem hann er lykilvitni varnarteymis Suarez? Gamli, þú hefur horft á of margar bíómyndir.

Hér er grein á bbc.com þar sem Poyet gefur ansi framandi sýn á kynþáttaníð:

„He believes fellow Uruguayan Suarez needs time to adapt to the cultural differences of playing in the Premier League and feels the English game does not do enough to help foreign players.“

Athyglisvert. “Does not do enough to help foreign players.” Er manninum alvara? England er suðupottur ólíkra menningarheima, sama hvar þú drepur niður fæti. Englendingar eru mjög vanir að eiga samskipti við fólk af öðru þjóðerni og þar ríkir almennt mikið umburðarlyndi gagnvart öðrum trú- og þjóðernum. Erlendir leikmenn fara til Englands vegna launanna. Suarez ætti að geta nýtt eitthvað af þessum 100 þúsund pund á viku plús, í að kaupa sér aðlögunarnámskeið sjálfur.

You cannot accuse people without a proper investigation, especially when it's a foreigner who is coming from a different place where we treat people of colour in a different way.“

You cannot accuse people without a proper investigation…” Hvað á hann við hér? Er ekki hægt að bera fram sakir fyrr en rannsókn hefur farið fram? Er sem sagt ekki nóg að Evra segist hafa heyrt Suarez hafa sagt ”niggari”, þarf Evra áður að láta rannsaka að hann hafi heyrt það?

"…foreigner who is coming from a different place….”  Fyrir það fyrsta þá gildir ávallt lögmálið “when in Rome do as romans”. Þetta þýðir að Suárez þarf að skilja að hann er staddur á erlendri grund þar sem samskiptareglur kunna að vera aðrar en þær sem hann hefur hingað til þurft að tileinka sér. Það er engin afsökun að bera fyrir sig einhvern menningarlegan mun þegar menn brúka níðyrði.  

“…where we treat people of colour in a different way.” Oh, dear me! Hvar á maður að byrja hér!? Sem sagt í Urugay er komið fram við litað fólk með öðrum hætti. Og hvernig þá? Er litað fólk þá kallað niggarar? Leggur Poyet hér til að Englendingar taki upp þeirra siði?"

You are not racist when you go against one, but you are if you go against the whole world of different colour and nationalities. That is being racist, not saying one word in one moment,"    

Þannig að með þessum rökum viðhefurðu ekki kynþáttaníð ef þú hittir svartann mann í einrúmi og hvíslar að honum “þú ert niggari.”?? Þú þarft í raun að hafa sagt það opinberlga til að teljast hafa viðhaft kynþáttaníð?  

"…I had to behave in a different way because I've been in England for 13 years. So I know what you are like and I adapt to that. Give Suarez another six months and I think he'll be how you want him to be.

"I know what you are like and I adapt to that”. Hvað nákvæmlega þýðir þetta? Er hann að gefa til kynna að sú sjálfsagða krafa að menn fari eftir siðareglum hafi verið honum þungbært?

“Give Suarez another six months and I think he'll be how you want him to be." Ef Suarez getur ekki uppá eigin spýtur fattað sjálfur hvernig hann á að koma fram við fólk í Englandi, þá þarf hann að fara eitthvað annað. Þetta snýst ekkert um að einhver vilji breyta Suarez. Það er Suarez sem þarf að breyta sér sjálfur, svo einmitt svona uppistand eigi sér ekki stað. Ég hef reyndar ekki trú á því að Suarez eigi séns á að bæta sig þar sem hann er klár villimaður í eðli sínu. Kannski á hann bara heima í Urugay þar sem Poyet segir að sé í lagi að kynþáttaníðast á fólki.

Ferguson ósáttur við ummæli Poyets

Poyet og skólabókin

Þetta eru frábær skilaboð til leikmanna Brighton. Reyndar eru afar fáir deldökkir leikmenn í liðinu, ég vona að sú skýring hafi ekki eitthvað að gera með afstöðu Poeyt til kynþáttaníðs. Mögulega er hann hér líka að verja vinn sinn John Terry sem er einnig sakaður um kynþáttaníð.

Maður skyldi þó alltaf taka svona fréttum með fyrirvara. Þannig er að fæstir þessara knattspyrnumanna hafa lagt mikla áherslu á lestur bóka og að víkka sjóndeildarhringinn, þeir enda einhvern veginn allir í fótboltatengdum störfum eftir ferilinn. Enska er auk þess ekki hans móðurmál og því eiga viðtöl við erlenda leikmenn og þjálfara það til að vera tekin úr samhengi. Mourinho lenti talsvert í þessu tungumálabasli þegar hann var að lýsa tilfinningum sínum strax eftir leiki. þegar hann notaði orðið "cheat" (svindla) um dómara leiksins, átti hann við "unfair" (ósanngjarn). Allir sjá að orðin hafa hrópandi áherslumun en geta átt við sama hlutinn.

Það er mjög gagnlegt að fá þessa umræðu á yfirborðið og athyglisvert að sjá hvað knattspyrnuheimurinn er ljósár á eftir öðrum siðmenntuðum heimi í að taka á óréttlæti. Ýmsir misvitrir sparksérfræðingar eins og Ian Wright og ekki minni strumpar en Sepp Blatter hafa skitið í buxurnar við það eitt að tjá sig um þessi mál. þar hafa menn opinberað algera fávisku og tómlæti um kynþáttaníð, og kemur þar í ljós hvað menn vita í raun lítið um það sem gerist í þeirra eigin bakgarði.

Fótboltamenn eiga að halda sig við það sem þeir kunna: að sparka bolta. Poyet er illa lesinn og hefur fengið einu höfuðhögginu of mikið í gegnum sinn feril. Hann á að hafa vit á því að þegja þegar blaðamaður leggur fyrir hann svona siðferðislega gildru.

Blatter verður ekki bjargað. Hann á heima í fangelsi.    

Poyet: Evra er grenjuskjóða

Queen Kenny og hirðin hans

"Whoever is the guilty party - the person who said it or the accuser - [should] get their due punishment."

 

Kenny Dalglish í viðtali við BBC um deilur Suarez og Evra.

 

Þessi ummæli eru hreint með ólíkindum. Þarna er Dalglish beinlínis að segja að ef ekki tekst að sanna að Suarez hafi kallað Evra “niggara” þá beri að refsa Evra. Ef þetta er raunverulega skoðun Dalglish en ekki bara sagt af einhverri vanþekkingu, þá er mér illa brugðið. Maðurinn virðist í besta falli vera illa mentuð lágstéttar blók, í versta falli kynþáttahatari.

 

Nú hefur FA ákært Suarez fyrir kynþáttaníð í garð Evra. Höfum hugfast að ákæra FA er ekki dómur. En þegar FA gefur út ákæru þá er búið að skoða málið vel og afar sennilegt að sannanir hafi fundist fyrir ásökunum um kynþáttaníð. 

Málið er farið að líta verulega illa út fyrir Liverpool. Fyrir utan ótrúlega illa ígrundaða ákvörðun klúbbsins að gefa svo sterkar yfirlýsingar út í upphafi máls um sakleysi Suarez áður en nokkur rannsókn hafi farið fram, þá virðist sú staðreynd að FA gefur út ákæru á hendur Suarez gefa til kynna að Liverpool hafi veðjað vitlaust. Auðvitað styður klúbburinn sinn mann, en það eru leiðir til þess sem taka mið af hófsemd og án sleggjudóma. Ef einhverjir eiga að þekkja Suaerz og hans orðspor þá eru það hans núverandi vinnuveitendur. 

Niðurstaðan á svo að vera endanleg. Reynist Suarez sekur um kynþáttaníð ber að refsa honum, þótt vissulega megi það verða honum til refsilækkunar ef hann biðst opinberlega afsökunar. Reynist hann saklaus verður mál látið niður falla. Evra þarf ekki að sanna að hann hafi verið kallaður ”niggari” að öðrum kosti verði hann dæmdur sekur um rangar sakargiftir, neitt frekar en fórnarlamb kynferðisbrota þarf ekki að svara til saka ef meintur gerandi er sýknaður.

 Það er bara menn eins og Queen Kenny og stuðningsmenn Liverpool sem þetta ekki skilja.

Suárez kærður fyrir kynþáttafordóma

Kemur ekki á óvart, Suárez er veikur.

þegar Suárez er ekki á hnjánum að gera sér upp meiðsli þá er drengurinn djöfull góður knattspyrnumaður.

En mikið djöfull er hann illa gefin.

Hann er frægur fyrir að haga sér eins og dýrbítur og er kallaður mannætan. Hann er þegar á góðri leið með að vera handhafi þess vafasama heiðurs að kallast mesti svindlari enska boltans.

Í hverri leikviku er einhver uppákoma með hann sem tengist ekki fótbolta. Núna fellur hann í þann fúla pitt að kalla annan knattspyrnumann "negra".

Suárez er sjálfsagt ekki langskólagenginn. En þegar þú ert atvinnumaður í fótbolta þá gilda reglur um svona hluti.

Vandamál Suárez er hins vegar dýpra. Ég tel nokkuð augljóst að hann er veikur á sál. Hann þarf hjálp áður en hann þarf að afplána 10 leikja bannið fyrir einhverja bombu. 

Kynþáttaníð á hvergi heima. það gæti hins vegar reynst þrautinni þyngra að sanna svona hluti með afgerandi hætti. Suárez harðneitar að hafa kallað Evra "negra" og er það sem stendur orð gegn orði.

En það er athyglisvert það sem Liverpool nú leggur til en það er að ef ekki sannast á Suárez að hann hafi kallað Evra "negra", þá á Evra að fara í leikbann. Með sömu rökum er Liverpool semsagt að segja að ef kona sem kærir mann um nauðgun sem ekki telst sönnuð, þá á að dæma konuna í fangelsi.

Þetta er geggjun.

Að fótboltaklúbbur á þeim stalli sem Liverpool er á skuli láta svona frá sér, er til skammar. Liverpool eru með þessum hætti að senda öllum leikmönnum sem hafa orðið fyrir eða verða fyrir kynþáttaníð þau skilaboð, að ef þú hefur ekki harðar sannanir, þá skaltu halda kjafti.

 Nú þarf FA að vera samkvæmt sjálfu sér rannsaka þetta ljóta mál. Ef Suárez sést með afgerandi hætti eða einhver gefur sig fram á vellinum sem telur sig hafa heyrt Suárez hafa viðhaft slíkt orðbragð gagnvart Evra, þá á Suárez að fara í langt bann. Rooney fékk 2 leiki fyrir að segja "What, fucking what" í linsu sjónvarpsvélar. Eða fær Liverpool að vanda sérmeðferð?   

Evra sakar Suárez um kynþáttaníð