Viva Cole

Viva Joey Cole.

Viva joey Cole.

Viva Joey Cole,

running down the wing, hear United sing,

viva Joey Cole.

 

Joe Cole til Man. Utd í sumar?

Ekki er allt gull sem glóir

Gengdarlaus fjáraustur Real manna skilar þeim sem sagt í besta falli La Liga. Meira að segja það verkefni mun mæta harðri mótspyrnu frá núverandi Spánarmeistörum, Barcelona.

Ég reyndar á eftir að sjá það gerast að Messi og Co., sleppi takinu á titlinum.

Ef Real vinnur ekki neitt á þessu tímabili, þá eru skipti Ronaldo eitt mesta flopp síðari ára. Auðvitað fer það eftir því hvað mínir menn vinna mikið meira en það sem þegar er komið (Carling cup), en það getur samt ekki hafa verið markmið Ronaldo að auka áskorun sína með klúbba skiptum það mikið og fara frá klúbbi sem hefur unnið allt, í klúbb sem aldrei vinnur neitt. Hann lét meira að segja hafa eftir sér að hann teldi Real geta unnið allt sem í boði er.

Úr því verður ekki.

Real mun aldrei læra af reynslunni, þaðan af síður með tíðum forsetaskiptum sem allir koma með sínar hugmyndir um hvernig skuli setja klúbbinn í hæstu hæðir. Lykillinn er stöðugleiki og skýr stefna sem ekki er vikið frá sama hver stjórnar. Real hefur aldrei lagt neitt uppúr ungliðastarfi sem er klúbbum gríðarlega mikilvægt. Leikmenn sem koma í gegnum raðir klúbbsins bera oftar en ekki eldheitar tilfinningar til uppeldisklúbbs og vaða eld og brennistein í hollustu.

Real er stærsta one hit wonder síðari ára.

   

Casillas: Erfitt að kyngja þessu

Skelfilegt

Ég er ekki að ná þessu.

Hvað geta Arsenal-menn orðið lengi óheppnir með þessar tæklingar?! Shawcross fer hart og fast í þessa, en maður hefur séð meiri ásetning sem skilar minni skaða. Manni dettur helst til hugar meint tækling Kuyt á Neville hér um árið. Nani hefði vel getað fest sig í fót Petrov hér um daginn þegar hann fór í 3 leikja bann, svo réttilega.

Ég er ekki sannfærður um ummæli Wengers eftir leikinn að menn séu á eftir leikmönnum Arsenal almennt. Þetta eru orð sem falla í hita augnabliksins og skiljanlega.

Shawcross missir boltann of langt frá sér og hendir sér á eftir honum án þess að eiga góðan séns. Slæm ákvörðun en því miður ekki óalgeng við sömu aðstæður. Drengurinn var niðurbrotinn eftir atvikið og virtist harmi sleginn.

Við vonum að Ramsey nái sér fljótt. 

    

  

 

Arsenal lagði Stoke á útvelli

Terry er stolt Englands

Þvílíkur snillingur.

Pabbi hans selur dóp á skemmtistöðum. Mamma hans stelur í búðum. Hann selur aðgang að æfingasvæði Chelsea og ríður kærustum vina sinna.

Þvílíkur aumingi.

Chelsea menn hafa svo myndað skjaldborg um þetta lítilmenni. Stuðningsmenn klúbbsins sem áður hafa mært Bridge nú baula á hann við hvert tækifæri. Stuðningsmenn Chelsea eru óheflaður og siðlaus skríll sem hefur blindast af svartagulli Romans.

Chelsea verður aldrei stór klúbbur.

 

City skellti Chelsea á Brúnni - Bridge tók ekki í hönd Terrys (myndband)

Hvað eru margir bikarar á leið til þín, Mancini?

City áttu aldrei séns og hafa bara ekki þann karakter sem með þarf þegar á reynir. Viðtal við hann stuttu eftir leikinn var fyrir margar sakir furðulegt, eftir allar yfirlýsingarnar undanfarið um að City verði stórveldi í knattspyrnu. þar lét hann hafa eftir sér "I am very sorry for the players and the supporters because we played very well and at the same level as United". Var það þá einhver vafi fyrir leikinn að City gæti spilað í sama klassa og United?

Þetta verður langur vetur fyrir Mancini. 

Einhverjar sóknir City voru beittar, en þeir hengja sig um og of á Tévez. Vandinn er að hann mun ekki geta gert það endalaust. Hann gerði heiðarlega tilraun í að fiska spjald á Rio með því að grípa um andlit sitt eftir að Rio slengdi hönd sinni í andlit hans. Tévez datt aldrei hjá okkur við svona stimpingar, hann hlýtur að hafa lært þetta hjá bláa undirmálslýðnum.

Tévez átti svo fáránlega tæklingu á Da Silva við hliðarlínuna sem réttilega uppskar gult spjald. Hann hefur farið í þessari keppni mjög gróflega í varnarmenn United og áhöld um að hann hefði í raun átt að spila þennan leik.

Í nokkrar min hélt hann að hann yrði hetjan á vellinum með því að minnka muninn og senda einvígið í framlengingu, en Tévez er ekki lengur leikari í leikhúsi draumanna.

Tévez var þó skásti maður City.

Annar vandræðagripur, kallaður Bellamy, átti sína spretti. Vandmál hans er bara að hann er sjálfum sér verstur, hann klikkar alltaf þegar menn þurfa á honum að halda. Aldrei hefði ég eytt pundi í hausinn á honum.

það var alveg ljóst frá 1. min að United ætlaði að klára þetta einvígi. það var í raun mesta furða að þegar Carrick skoraði 2. markið að United hafi ekki slátrað þeim. Mark Tévez hins vegar hleypti blóði manna aldrei af stað. Það var ekkert í loftinu sem sagði að City myndi bæta við. Sá vilji var ekki í liðinu og United áttu líklega einar einföldustu lokamínútur þar sem mark var nauðsynlegt, í langan tíma.

Hélt virkilega einhver að City myndi hafa þetta í framlengingu?

City á að láta sér þenna leik að kenningu verða. Þú getur öfundast útí nágranna þinn eins og þú vilt. Þú getur reynt að kaupa þér dýrðina með öllum tiltækum ráðum. Þú getur bullað endalaust um að ætla þér að verða fallegur og feitastur af öllum.

Þú getur ekki keypt þér karakter.

Chelsea reyndi þetta, en hafa þurft að láta í minni pokann fyrir United. þeir hafa áttað sig á því að klúbburinn þarf að hafa sál og skapa sínar eigin tekjur. Annars tjaldarðu til einnar nætur.

City hefði með smá auðmýkt geta sloppið frá þessum leik með reisn. Í staðinn létu menn vinda sig upp fyrir leikinn og labba í allar gildrur sem fyrir menn voru lagðar. Sérstaklega Tévez.

Pressan er á City. Þeir hafa gefið sig út fyrir að vera þeir bestu í heimi. Nú er bara að skoða niðurstöðuna: hvað eru margir bikarar komnir í hús?

hummmm.......

 

 

Ferguson: Rooney betri en gegn Hull

Litli argentínski dvergurinn

Tévez er mikil mannvitsbrekka.

Ég hef áður bloggað um þennan snilling þegar hann var í okkar röðum og hef haft mikið dálæti á honum. Ég hef það enn.

En hann skortir allan klassa. Hann labbar í þær gildrur sem fyrir hann eru engdar og svarar ómerkilegum glósum með enn ómerkilegri athugasemdum.

Tévez var með stórt United hjarta frá fyrsta degi, en lítið skildi hann hvaða þýðingu það hefur fyrir stuðningsmenn United að kyssa merkið. Við getum bókað að mönnum verður aldrei fyrirgefið að svo mikið sem eiga ljósbláar nærbuxur ef þú styður rauðan hluta Manchesterborgar.

Hvað þá að ganga í raðir þeirra.

 Margt gerðist sem ruglaði Tévez. Umboðsmaður hans sem ég hef bloggað hér um hefur reynt að blóðmjólka hinn dvergvaxna argentínumann frá fyrsta degi með fáránlegu eignarhaldi, sem gerði það að verkum að konungur konunganna (Sir Alex) varð illur í samningaviðræðum um framtíð Tévez.

Það sem meira er að United hafði þegar samþykkt að bjóða 25,5 milljónir punda fyrir leikmanninn og fimm ára samning sem hefði gert hann einn tekjuhæsta leikmann klúbbsins. Það voru hins vegar ráðgjafar hans sem lýstu því yfir að Tévez óskaði eftir að fara annað.

Tévez virðist vera í slæmum félagsskap. 

Hann átti líka erfitt með að skilja að first team football væri ekki sjálfgefin staða, ekki einu sinn fyrir hinn nýkeypta Berbatov. Svo fór sem fór, en að borga 30 milljónir punda fyrir mann sem skoraði á 6 klst fresti, bara kom aldrei til greina. Það sorglega er að 25 milljónir hefðu líklega gengið og málið dautt og allir sáttir.

City bara borguðu uppsett verð. Laun Tévez eru margföld það sem hann hafði og hann hefur aðeins þurft að færa dótið sitt um nokkra kílómetra. Nokkuð góður díll fyrir hann, en hefur lítið með ást á United að gera. Ef það hefði verið skilyrðislaust þá hefði hann farið annað. Hvað er þetta annars með argentínumenn og að vilja semja við djöfulinn?

Tévez er heitur sem stendur. En hann var líka heitur með okkur...

... í smá tíma. Svo hvarf hann og var meðalmaður í besta falli. Svona 24 milljón punda maður.

City eins og Liverpool eyða nú allri orku sinni í átök við þá sem þeir hata mest. Það hefur ekki skilað Liverpool neinu nema töpuðum stigum og lítilli þátttöku í bikarkeppnum. Tévez fellur eins og flís við rass í hóp nafntogaðra leikmanna sem þekkja orðið hollusta illa:

• Barry fór frá Villa til City sem eru eins klúbbar=fjárhagsleg færsla
• Lescott kom frá Everton sem er eins og Villa=fjárhagsleg færsla
• Bellamy kom bara beint úr fangelsi
• Adebayor vildi meiri virðingu frá Arsenal og sýndi svo stuðningsmönnum Arsenal hvað virðing er

Tévez er í góðravina hópi. Vonandi hættir United-þráhyggja hans sem fyrst. City are a massive club.

 

 

   

Tévez: Neville sýndi mér lítilsvirðingu

Hókus pókus, Roman-rókus.

Einn eigandi. Einn kröfuhafi. Hagsmunir á einni hönd.

það skiptir engu hvað þú kallar peninga hjá Chelsea, þeir koma allir frá einum manni: Roman sjálfum.

Það að búið sé að breyta láni frá Roman í hlutfé er bara enn eitt sjónarspilið í rekstri Chelsea sem svo mikið vill verða knattspyrnulegt stórveldi. Þessi gjörningur ætti að öllu óbreyttu að vera klúbbnum mun dýrari kostur en vaxtalausa lánið sem Roman veitti honum áður. Ávöxtunarkrafa hlutafjár er mun hærri en ávöxtunarkrafa lánsfjár (tala ekki um ef lánið var áður vaxtalaust!) og því erfitt að sjá hvernig þetta muni koma klúbbnum betur til lengri tíma litið. Jú, félagið uppfyllir nú lágmarks eiginfjárhlutfall og gott betur, en taprekstur þess hefur verið botnslaus.

Félagið hefur tapað frá 2006 um 384m punda. Chelsea er enn svo langt frá því að skila afgangi af reglulegri starfsemi að eigandinn þarf líklega enn að blæða mikið fyrir klúbbinn. Allar væntingar um að Chelsea geti orðið sjálfbær rekstrareining eru á sandi byggðar og hjákátlegar. Tekjuaukning Chelsea hefur ekki einu sinni verið byggð á sölu á rekstrartengdum vörum eins og miðasölu og varningi. Sú aukning sem orðið hefur er vegna hagstæðari sjónvarpssamninga sem reyndar skilar öðrum klúbbum einnig tekjuaukningu.

Chelsea á langt í land með að verða stórveldi, líklega mun þolinmæði Abramovich verða á þrotum áður en það gerist. Líklegt verður að teljast að kallinn verði þá búinn að mjólka allt úr félaginu sem hægt verður að mjólka. 

 

 

Chelsea orðið skuldlaust

Franska spillingin

Frakkar eiga að sýna drengskap og segja sig frá heimsmeistarakeppninni í Suður Afríku.

Thierry Henry hefur sett þvílíkan smánarblett á knattspyrnu þjóðanna að slíkt á sér engin fordæmi. Hönd guðs sem færðist eitt augnablik á þéttvaxinn skrokk Diego Armando Maradona þann 22. Júní 1986 á HM í Mexíkó, er eins saklaus handleggur barns miðað við þessa hneisu sem þessi óheppni Frakki lét standa sig að. Seinna í leiknum Maradona þó leiðrétti að einhverju leiti sitt skítlega eðli með því að skora eitt flottasta mark sem gert hefur verið, og gulltryggja sigur yfir Englendingum. Henry gulltryggði stolinn farmiða Frakklands á mótið með hendinni í framlengingu með minnsta mun sem Frakkland þurfti. Þetta eina augnablik geðveiki, óheiðarleika, örvæntingu og heigulsháttar kostaði Íra mótið og Frakka æruna. 

Hér hefur stórþjóð í knattspyrnu sem telur sig flaggskip góðra gilda inná vellinum sem utan, gerst sek um fádæma aumingjaskap og lítilsvirðingu við knattspyrnu.

Reiðin er svo mikil að ég hálf vorkenni saklausum frönskum þegnum sem dyrfast að stíga á írska jörð. Og það ættu þeir ekki að gera fram yfir HM.

Frakkar hafa fyrirfram dæmt sig úr leik á HM í Suður Afríku nú komandi júní 2010. Það er sorglegt til þess að vita að einn maður geti skemmt fyrir heilu liði sem hefur þurft að standa fyrir máli sínu, því Frakkar hafa verið ömurlegir í undankeppninni og eiga bara fyrir þær sakir, ekki skilið að fara áfram. Þetta atvik bætir svo bara gráu á svart, því að menn skildu ekki búast við að fá brota brot af ást með franska landsliðinu nema frá föðurlandinu sjálfu. Jafnvel þar er eitthvað sem segir mér að menn horfi á lið sitt með blendnum tilfinningum.

Lítill franskur kall.

Michel Platini er lítill kall sem var eitt sinn frönsk knattspyrnuhetja. Þessi snaggarlegi maður tilheyrði miklu sigurliði Frakka á árunum 1982-1986 og hefur þótt einn besti miðjumaður fyrr og síðar. Hann bauð sig fram til forseta UEFA 2006 og vann þann umdeilda heiður að verða forseti 2007. Áherslur hans voru frá fyrsta degi sameining og heiðarleiki.

Hann hefur undir það síðasta lagt mikla áherslu á það sem er kallað 6+5 reglan. Sú regla gengur út á að öll lið ættu að bera 6 heimaleikmenn á móti 5 erlendum leikmönnum. Hann hefur einnig gefið út áhuga sinn á því að takmarka fjölda liða frá sama landi sem taka þátt í evrópukeppnum, eins og Meistaradeildinni. Hann vill binda hvert land við að geta haft mest 3 lið í keppni. Fyrir ensk lið þýddi þetta að annað hvort United, Chelsea, Arsenal eða Liverpool, þyrfti að detta út úr núverandi skipulagi.

Þessar áherslubreytingar þykja vægast sagt loðnar í knattspyrnuheiminum. Það má öllum vera það ljóst að 6+5 reglan kemur enskum liðum eintaklega illa, þá sérstaklega Arsenal og Chelsea sem sjaldan eiga góða heimamenn. Einnig þarf ekki snilling í að sjá að takmörkun liða frá sama landinu í evrópukeppnum snertir Englendinga jafnvel enn verr, þar sem undanfarin ár hefur verið nánast öruggt að 4 lið mun blanda sér í 8-liða úrslit. Platini gengur erinda franskrar knattspyrnu og vill jafna leikinn.

FIFA og UEFA hafa þegið þunnu hljóði vegna framkomu Henry. Til að mynda er ekki minnst einu orði á heimasíðu FIFA http://www.fifa.com/worldcup/index.html um atvikið, en næg er umfjöllunin um brottfall Bahrin úr keppninni.

Það er ljóst hvar áherslurnar liggja og enn ljósara hvar þær liggja ekki.

Minni franskur kall.

Raymond Domenech þjálfari Frakka hefur nú kosið að verja Henry og það sem hann gerði. Það mátti ekki búast við því að hann legði til að leikurinn yrði leikinn aftur, en að ganga svo langt að fullyrða að Frakkar hafi ekki gert neitt rangt, er hneyksli:  „I didn't see it (the handball) at the time. After I watched it back, I can see it is a mistake by the referee. To me this is the game and not cheating. I do not understand why we are being asked to apologise.''  Domenech er einn versti landsliðsþjálfari sem Frakkar hafa átt og eru þessi óforskömmuðu ummæli hans enn ein rósin í hnappagatið.

þrátt fyrir þessar yfirlýsingar hans hafa fjölmargir samlandar hans séð sóma sinn í því að leikurinn verði leikinn aftur. Einn af þeim er Arsene Wenger þjálfari Arsenal, en Wenger er ekki ókunnugur því að þurfa leika leik aftur. Þannig gerðist það árið 1999 að leikur í FA cup á milli Arsenal og Sheffield United var endurtekinn eftir að fyrri leikurinn hafði endað 2-1 Arsenal í vil, eftir að sigurmarkið hafði verið skorað á afar vafasamann máta. Þá hafði leikmaður United meiðst og þurft aðhlynningu og liðsfélagar hans sett boltann útaf. Tveir leikmenn Arsenal urðu þá uppvísir af mikilli óhæfu, þegar annar þeirra skoraði mark á United á meðan varnarmenn horfðu bjargarlausir á, í stað þess að skila þeim boltanum aftur eins og venja er í svona tilvikum. Wenger fór strax að leik loknum og bauð þáverandi þjálfara Sheffield, Steve Bruce að leikurinn yrði ef hann fengi einhverju ráðið, leikinn aftur. FIFA undir stjórn hins siðlausa og spillta Sepp Blatter, fagnaði framtakinu og heimilaði að leikurinn yrði endurtekinn „í anda heiðarleika og réttlætis“ eins og það var orðað. Fordæmin eru því til staðar.

Síðasta hálmstráið var því hjá franska knattspyrnusambandinu sem gat með formlegri beiðni óskað eftir því að leikurinn verði endurtekinn. Knattspyrnusambandið hefur hins vegar lýst því yfir að þeir ætli að samþykkja þau úrslit sem nú eru uppi, það sé ekki við Frakka að sakast. Dómari leiksins hafi gert mistök og ekki í valdi þeirra að breyta niðurstöðu leiks sem þegar er fengin.

Þvílíkur hroki, ósannyndi, lítilmennska og heigulsháttur.

Frakkar eiga að segja sig frá heimsmeistarakeppninni í Suður Afríku.   

Írar vilja fá aukasæti á HM

skosk sms

Hann sendir Phelan bara sms. Nema að þau séu jafn torskilin og hinn skoski hreimur...

Ferguson óttast að verða áhrifalaus

Standa ekki undir væntingum

Þessi leikur var furðulegur. United með 26 skot og Besiktas með 6. United með boltann 66% Besiktas 34%.

Menn bara sýndu ekki nægilegan klassa í kvöld. Það þýðir ekkert að ráða 3/4 hluta vallarins ef skotið fer ekki á rammann. Það þýðir ekkert að státa sig af fáum fengnum skotum á sig ef markmenn geta ekki staðið rétt í markinu þegar svo loks eitt fáu skotanna kemur.

Ég hef marg oft sagt áður að Foster er drasl. Hann er flottur með Watford þar sem þú mátt fá á þig 3 mörk og verja 13, en ekki hér. Leikurinn hefði farið 5-0 fyrir okkur ef Foster hefði ekki skitið í buxurnar. Tyrkirnir fengu von og byrjuðu allt í einu að spila bolta eftir markið.

Ungu strákarnir bara eru ekki nægilega góðir í að klára svona leiki. Það féll reyndar ekkert með okkur, áttum að fá klárt víti, en maður biður ekki einu sinni um víti í svona leik.

Nú eru menn búnir að búa til leik á móti Wolfsburg, því að niðurstaðan úr honum skiptir máli uppá 1. sæti riðilsins. Menn hefðu átt að hæða Liverpool aðeins minna og drullast til að klára riðilinn með stæl í staðinn.

Takk fyrir ekkert í kvöld, Ben Foster og Co.

Besiktas sigraði á Old Trafford, Chelsea vann